‘ఆవగింజంత అదృష్టం ఉండాలి’: కోట శ్రీనివాసరావు - Alitho saradaga latest promo
close
Updated : 26/11/2020 17:27 IST
Facebook Share Twitter Share WhatsApp Share Telegram Share Link Share

‘ఆవగింజంత అదృష్టం ఉండాలి’: కోట శ్రీనివాసరావు

హైదరాబాద్‌: వెండితెరకు దూరమైన ఎంతో మంది నటీనటులు ఇప్పుడు ఎక్కడున్నారు..? ఎలా ఉన్నారు..? ఇలాంటివి తెలుసుకొని ప్రేక్షకుల ముందుకు తీసుకొస్తోంది ‘ఆలీతో సరదాగా’. వారి జీవిత విశేషాలను, సినీ రంగంలో ఎదుర్కొన్న ఆటుపోట్లను ప్రేక్షకులకు తెలియజేస్తోందీ ‘ఆలీతో సరదాగా’. వారం వారం సెలబ్రెటీల మాట-ముచ్చట్లతో ప్రేక్షకులకు కనువిందు చేస్తోంది. ఆలీ వ్యాఖ్యాతగా ఈటీవీలో ప్రసారమయ్యే ఈ కార్యక్రమంలో కోట శ్రీనివాసరావు-బాబుమోహన్‌ పాల్గొని తమ జీవితాలలో ఎదుర్కొన్న సవాళ్లను, బాధలతో పాటు మరిన్ని ఆసక్తికర విషయాలను పంచుకోనున్నారు. దీనికి సంబంధించిన ప్రోమో విడుదలయింది.

షోలో భాగంగా ‘మీ ఇద్దరిలో ఎవరు చిన్న’అని ఆలీ అడుగగా ‘నేనే’ అని బాబు చెప్పారు. ఆ వెంటనే కోటా శ్రీనివాస్‌రావు స్పందిస్తూ.. ‘రేఖలను చూసి చెప్పేది నిలిచి ఉండదు. విలువలను చూసి చెప్పేది నిలిచి ఉంటుంది’ అని వివరించారు. ఇలా ఒకరికొనకు సరదాగా ఆటపట్టించుకున్నారు. మీరిద్దరూ ఎక్కడ కలిశారు అని ఆలీ అడుగగా.. ‘మీకు తెలిసి ఉంటది ఆలీ గారు, చెప్పవయ్యా, ఏంటివయ్యా’ అంటూ సరదాగా నవ్వులు పూయించారు. ఆ తర్వాత ‘పెద్ద గుమ్మడికాయంత ప్రతిభ ఉంటే సరిపోదు... ఆవగింజంత అదృష్టం ఉండాలి. అదే నేను’ అంటూ కోట శ్రీనివాస్‌ అన్నారు. అలాగే యువతరాన్ని ఉద్దేశించి ‘ఓల్డ్‌ ఈజ్‌ గోల్డ్‌’ అనేది తెలిసిన మాట. కానీ, తెలుసుకోవాల్సింది ఏంటంటే ‘గోల్డ్‌ బోల్డ్‌గా మారదు’ అంటే ‘బంగారానికి సాన పెట్టిన కొద్ది మెరుగులు దిద్దుకుంటుంది’ అని ఆయన ప్రోమోలో చెప్పారు. మరి.. వీరిద్దరూ చెప్పిన మరిన్ని విషయాలు తెలుసుకోవాలంటే వచ్చే సోమవారం (నవంబర్‌ 30)న ప్రసారం కానున్న ‘ఆలీతో సరదాగా’ చూడాల్సిందే..!
 




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని