Nervous System: టమోటాలోనూ నాడీ వ్యవస్థ! - Brazil Scientis Found That Tomota Has Nervous System Like Humans
close
Updated : 04/08/2021 16:49 IST
Facebook Share Twitter Share WhatsApp Share Telegram Share Link Share

Nervous System: టమోటాలోనూ నాడీ వ్యవస్థ!

చీమలు, దోమల వంటివి కుడుతున్నట్టు అనిపిస్తే వెంటనే చేత్తో తరిమేస్తుంటాం కదా. ఇవి కుడుతున్నట్టు మనకెలా తెలుస్తుంది? నాడీ వ్యవస్థ మూలంగానే. చర్మం నుంచి వెలువడే నాడీ సంకేతాలు మెదడుకు, అక్కడ్నుంచి వచ్చే సంకేతాలు చేతులకు చేరుకుంటాయి. దీంతో చేతులను కదిలిస్తాం. ఇలాంటి హెచ్చరిక వ్యవస్థ టమోటాల్లోనూ ఉంటున్నట్టు బ్రెజిల్‌ పరిశోధకులు గుర్తించారు. మనుషుల మాదిరిగా మొక్కల్లో నాడీ వ్యవస్థ ఉండదు గానీ జైలమ్‌, ఫ్లోయెమ్‌ అనే సన్నటి గొట్టాలుంటాయి. చక్కెర, ఖనిజాలతో కూడిన నీరు వీటిల్లోంచే మొక్క వివిధ భాగాలకు ప్రసరిస్తుంటుంది. ఆవేశిత అయాన్లు నిరంతరం వీటి నుంచి లోపలికి, బయటకు వస్తుంటాయి. ఇవే మన నాడీ వ్యవస్థ మాదిరిగా విద్యుత్‌ సంకేతాలు ప్రసరించేలా చేస్తాయి. దెబ్బతిన్న ఆకులు ఇలాగే ఇతర ఆకులకు విద్యుత్‌ సంకేతాలు పంపిస్తున్నట్టు గత అధ్యయనాల్లో తేలింది. అయితే ఇది కాయలు, పండ్లలోనూ కొనసాగుతున్నట్టు తాజాగా బయటపడింది. గొంగళిపురుగుల వంటి కీటకాలు దాడి చేసినప్పుడు టమోటాలు మొక్క మొత్తానికి ఇలాగే హెచ్చరికలను పంపించుకుంటుండటం గమనార్హం. అంతేకాదు, హైడ్రోజన్‌ పెరాక్సైడ్‌ను విడుదల చేస్తూ తమను తాము కాపాడుకునే ప్రయత్నమూ చేస్తున్నాయి. మొక్కలైతేనేమి? ప్రాణమంటే ఎవరికైనా తీపే కదా.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని