అదనపు కలెక్టర్‌ నగేశ్‌పై అనిశా ప్రశ్నల వర్షం - Medak Bribe Case
close
Published : 23/09/2020 14:19 IST
Facebook Share Twitter Share WhatsApp Share Telegram Share Link Share

అదనపు కలెక్టర్‌ నగేశ్‌పై అనిశా ప్రశ్నల వర్షం

హైదరాబాద్‌: మెదక్ అదనపు కలెక్టర్ నగేశ్‌ను అవినీతి నిరోధక శాఖ(అనిశా) అధికారులు మూడో రోజు విచారిస్తున్నారు. అతని బినామీ ఆస్తులకు సంబంధించి ఇప్పటికే పలు ఆధారాలు సేకరించిన అనిశా అధికారులు.. వాటి గురించి నగేశ్‌ను ప్రశ్నిస్తున్నారు. నగేశ్ బినామీలను కూడా అనిశా ప్రధాన కార్యాలయానికి పిలిపించి.. వారి నుంచి కూడా వివరాలు సేకరిస్తున్నారు. బోయిన్ పల్లిలోని ఆంధ్రా బ్యాంకులో ఉన్న నగేశ్ లాకర్‌ను అనిశా అధికారులు ఈ రోజు తెరిచే అవకాశం ఉంది. అందులో బినామీ ఆస్తులకు సంబంధించిన పత్రాలు లభ్యమయ్యే అవకాశం ఉందని అధికారులు భావిస్తున్నారు. నగేశ్‌తోపాటు ఆర్డీవో అరుణా రెడ్డి, తహసీల్దార్‌ సత్తార్‌తోపాటు మరో ఇద్దరిని కూడా అనిశా అధికారులు ప్రశ్నిస్తున్నారు. 

మెదక్‌ జిల్లా నర్సాపూర్‌ మండలం చిప్పలతుర్తిలో 112 ఎకరాల పట్టా భూమికి సంబంధించి ఎన్‌వోసీ ఇవ్వాలని రైతు లింగమూర్తి ఇటీవల అదనపు కలెక్టర్‌ నగేశ్‌ను సంప్రదించారు. ఎన్‌వోసీ ఇచ్చేందుకు తనకు ఎకరాకు రూ.లక్ష చొప్పున రూ.1.12 కోట్లు ఇవ్వాలని అదనపు కలెక్టర్‌ డిమాండ్‌ చేశారు. ఇప్పటికే రూ.40లక్షల నగదు తీసుకున్న ఆయన.. మరో రూ.72లక్షల కోసం ఐదు ఎకరాల భూమిని తన బినామీ జీవన్‌గౌడ్‌ పేరుమీద అగ్రిమెంట్‌ చేయించుకున్న విషయం తెలిసిందే. రైతు వద్ద నుంచి తీసుకున్న రూ.40లక్షల నగదును ఎక్కడ ఉంచాడన్నదానిపై అనిశా అధికారులు ఆరా తీస్తున్నారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని