close

తాజా వార్తలు

Published : 30/11/2020 18:03 IST
Facebook Share Twitter Share WhatsApp Share Telegram Share

‘లక్ష్యా’న్ని ఛేదించేందుకు వస్తున్న నాగశౌర్య

హైదరాబాద్‌: యువ కథానాయకుడు నాగశౌర్య నటిస్తున్న తన 20వ చిత్రానికి ‘లక్ష్య’ అనే టైటిల్‌ ఖరారు చేసింది చిత్ర బృందం. ఈ విషయాన్ని నాగశౌర్య స్వయంగా ట్విటర్‌ వేదికగా ప్రకటించారు. ఈ సినిమాకు సంతోష్‌ జాగర్లపూడి దర్శకత్వం వహిస్తున్నారు. కేతిక శర్మ కథానాయిక. జగపతిబాబు ఓ కీలక పాత్రలో కనిపించనున్నారు. కాల భైరవ బాణీలు సమకూరుస్తున్నారు. నారాయణదాస్‌ కె.నారంగ్, పుస్కూర్‌ రామ్‌మోహన్‌రావు, శరత్‌ మరార్‌ సంయుక్తంగా నిర్మిస్తున్నారు. విలువిద్య నేపథ్యంలో స్పోర్ట్స్‌ డ్రామాగా తెరకెక్కిస్తున్న ఈ సినిమాలో నాగశౌర్య ఆరుపలకల దేహంతో కనిపించనున్నారు.

ఇదిలా ఉండగా.. నాగశౌర్య నటించిన ‘ఓ బేబీ’ మంచి విజయం అందుకున్నా.. ఈ ఏడాది ఆరంభంలో వచ్చిన ‘అశ్వథ్థామ’ ఆశించిన ఫలితం రాబట్టలేకపోయింది. అయితే.. నాగశౌర్య మాత్రం తాజా సినిమాపై ధీమాగా ఉన్నారు. ఇప్పటికే విడుదలైన ‘ఫస్ట్‌లుక్‌’ అభిమానులను బాగా ఆకట్టుకుంది.

ఇదీ చదవండి..

విల్లు ఎక్కు పెట్టనున్న నాగశౌర్య



Tags :

సినిమా

రాజకీయం

జనరల్‌

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

చిత్ర వార్తలు

మరిన్ని

దేవతార్చన