బంపర్‌ ఆఫర్‌ కొట్టేసిన ఇస్మార్ట్‌ భామ..? - Nidhhi Agerwal to star opposite Pawan Kalyan in PSPK27
close
Updated : 22/11/2020 12:20 IST
Facebook Share Twitter Share WhatsApp Share Telegram Share Link Share

బంపర్‌ ఆఫర్‌ కొట్టేసిన ఇస్మార్ట్‌ భామ..?

హైదరాబాద్‌: ‘ఇస్మార్ట్‌ శంకర్‌’, ‘మిస్టర్‌.మజ్ను’ చిత్రాలతో గతేడాది విజయాలు అందుకున్నారు నటి నిధి అగర్వాల్‌. ప్రస్తుతం తమిళ, తెలుగు చిత్రాల్లో నటిస్తూ బిజీగా ఉన్న ఈ చిన్నది బంపర్‌ ఆఫర్‌ కొట్టేసిందని సినీ వర్గాల్లో వార్తలు వినిపిస్తున్నాయి. క్రిష్‌ దర్శకత్వంలో పవర్‌స్టార్‌ పవన్‌కల్యాణ్‌ ప్రధాన పాత్రలో నటిస్తున్న ఓ సినిమాలో కథానాయికగా ఎవరు కనిపించనున్నారనే విషయంపై కొన్ని రోజులుగా చర్చ నడుస్తోంది. తాజా సమాచారం ప్రకారం ఈ సినిమాలో పవన్‌ సరసన నిధి అగర్వాల్‌ ఆడిపాడనున్నట్లు తెలుస్తోంది. ఈ విషయంపై ఇప్పటికే చిత్రబృందం నిధిని సంప్రదించగా.. పవన్‌ సరసన నటించేందుకు ఆమె కూడా ఎంతో ఆసక్తి కనబరుస్తున్నట్లు పలు ఆంగ్ల పత్రికల్లో వార్తలు వస్తున్నాయి. అయితే ఈ వార్తలపై ఎలాంటి అధికారిక ప్రకటన వెలువడలేదు.

పీరియాడికల్‌ డ్రామాగా తెరకెక్కుతున్న ఈ సినిమా కేవలం 15 రోజుల షెడ్యూల్‌ మాత్రమే పూర్తి చేసుకున్నట్లు తెలుస్తోంది. పవన్‌ పుట్టినరోజు సందర్భంగా విడుదలైన ప్రీ లుక్‌ ప్రేక్షకులను ఎంతగానో ఆకట్టుకున్న విషయం తెలిసిందే. పాన్‌ ఇండియన్‌ మూవీగా విడుదల కానున్న ఈ సినిమాకి కీరవాణి సంగీతం అందిస్తున్నారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని