close

తాజా వార్తలు

Published : 27/03/2020 00:31 IST
Facebook Share Twitter Share WhatsApp Share Telegram Share

నిఖిల్‌కు జోడీగా అను?

హైదరాబాద్‌: ‘మజ్ను’ చిత్రంతో తెలుగు తెరకు పరిచయమైన భామ అను ఇమ్మాన్యుయేల్‌. ఆ తర్వాత వరుస అవకాశాలు దక్కించుకున్నా సరైన విజయాలు ఆమె తలుపు తట్టలేదు. 2018లో ఆమె నాలుగు సినిమాల్లో నటించగా, ఏ చిత్రమూ బ్రేక్‌నివ్వలేకపోయింది. అను చివరిగా నాగచైతన్యతో కలిసి ‘శైలజారెడ్డి అల్లుడు’ చిత్రంలో కనిపించారు. ఆ తర్వాత మరో తెలుగు చిత్రం చేయలేదు. త్వరలో మళ్లీ ఓ చిత్రంతో తెలుగు తెరపై మెరవబోతునట్లు సమాచారం.

యువ కథానాయకుడు నిఖిల్‌ హీరోగా ‘18 పేజెస్‌’ అనే సినిమా తెరకెక్కుతున్న సంగతి తెలిసిందే. సూర్య ప్రతాప్‌ పల్నాటి దర్శకుడు. సుకుమార్‌ కథ, స్ర్కీన్‌ ప్లే అందిస్తున్నారు. ఈ సినిమాలో నాయికగా కృతిశెట్టిని ఎంపిక చేస్తున్నారని గతంలో వార్తలు వచ్చాయి. అయితే, ఇప్పుడు ఆ స్థానంలో అను ఇమ్మాన్యుయేల్‌ పేరు వినిపిస్తోంది. ఈ కథ, పాత్రకు అను అయితే సరిపోతుందని చిత్ర బృందం భావిస్తోందట. ప్రస్తుతం అనుతో చర్చలు సాగుతున్నాయని సమాచారం. దీనిపై చిత్ర బృందం అధికారికంగా ప్రకటించాల్సి ఉంది.


Tags :

సినిమా

రాజకీయం

జనరల్‌

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

చిత్ర వార్తలు

సినిమా
మరిన్ని

దేవతార్చన