RRR:యాక్షన్‌ సీక్వెన్స్‌ పూర్తి.. పుణెకు పయనం? - RRR movie team wrapped up a 50 Days Major Huge Action Sequence
close
Published : 30/11/2020 15:51 IST
Facebook Share Twitter Share WhatsApp Share Telegram Share Link Share

RRR:యాక్షన్‌ సీక్వెన్స్‌ పూర్తి.. పుణెకు పయనం?

హైదరాబాద్‌: దర్శకధీరుడు ఎస్‌.ఎస్‌. రాజమౌళి ప్రతిష్ఠాత్మకంగా తెరకెక్కిస్తున్న ‘ఆర్‌.ఆర్‌.ఆర్‌’ సినిమా మరో షెడ్యూల్‌ పూర్తి చేసుకుంది. 50 రోజులపాటు హైదరాబాద్‌లో జరిగిన ఈ షెడ్యూల్‌లో ప్రధానమైన భారీ యాక్షన్‌ సన్నివేశాల్ని చిత్రీకరించినట్లు చిత్ర బృందం సోమవారం తెలిపింది. తదుపరి షెడ్యూల్‌కు సర్వం సిద్ధం చేస్తున్నట్లు పేర్కొంది. షూట్‌ కోసం రామ్‌ చరణ్‌, ఎన్టీఆర్‌ పుణె పయనమౌతున్నట్లు సమాచారం. అక్కడ సుమారు వారం రోజులపాటు షూట్‌ జరగనున్నట్లు తెలుస్తోంది. ఈ సినిమాలో కీలక పాత్రలు పోషిస్తున్న హాలీవుడ్‌ నటులు రే స్టీవెన్సన్‌, అలిసన్‌ డూడి ఇటీవల హైదరాబాద్‌ సెట్‌లో తీసుకున్న సెల్ఫీని షేర్‌ చేసిన సంగతి తెలిసిందే.

‘ఆర్‌.ఆర్‌.ఆర్‌’లో చరణ్‌ అల్లూరి సీతారామరాజుగా, ఎన్టీఆర్‌ కొమరం భీమ్‌గా కనిపించనున్నారు. డీవీవీ ఎంటర్‌టైన్‌మెంట్స్‌ పతాకంపై దానయ్య నిర్మిస్తున్నారు. ఈ సినిమాలో అలియా భట్‌, ఒలీవియా మోరిస్ కథానాయికలుగా నటిస్తున్నారు. శ్రియ, అజయ్‌ దేవగణ్‌, సముద్రఖని ముఖ్య పాత్రలు పోషిస్తున్నారు. పాన్‌ ఇండియా చిత్రంగా దాదాపు రూ.400 కోట్ల బడ్జెట్‌తో తీస్తున్న ఈ ప్రాజెక్టు వచ్చే ఏడాది ప్రేక్షకుల ముందుకు రాబోతోంది.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని