close

తాజా వార్తలు

Updated : 04/12/2020 15:52 IST
Facebook Share Twitter Share WhatsApp Share Telegram Share

షోలో రేణూదేశాయ్‌ ఎమోషనల్‌

హైదరాబాద్‌: సుమ వ్యాఖ్యాతగా వ్యవహరిస్తున్న ఓ షోలో పాల్గొన్న నటి రేణూదేశాయ్‌ భావోద్వేగానికి గురయ్యారు. తన యూట్యూబ్‌ ఛానల్‌ వేదికగా సుమ ‘ఈట్‌ టాక్‌ విత్‌ సుమక్క’ అనే కార్యక్రమాన్ని నిర్వహిస్తున్నారు. తాజాగా ఈ కార్యక్రమానికి రేణు అతిథిగా విచ్చేసి ఎన్నో సరదా సంగతులు పంచుకున్నారు. మోడలింగ్‌ వల్ల కాలేజ్‌ రోజుల్ని తాను ఎంతో మిస్‌ అయ్యానని చెప్పారు. నిజాయతీ, కష్టపడేతత్వం, దయ అనే పదాలతో తనని నిర్వచించవచ్చని అన్నారు.

పాటలు పాడడమంటే తనకెంతో ఇష్టమని.. ఎప్పటి నుంచో సంగీతం నేర్చుకోవాలనే ఆలోచన ఉన్నప్పటికీ వాయిదా వేస్తున్నానని.. ఎప్పుడైనా ఇంట్లో తాను పాటలు పాడితే అకీరా బాగా నవ్వుతాడని రేణు తెలిపారు. అనంతరం రేణు పుట్టినరోజు సందర్భంగా ఆమెకి కొన్ని బహుమతులిచ్చి సుమ సర్‌ప్రైజ్ ‌చేశారు. ‘బెస్ట్‌ మామ్‌ ఎవర్‌’ అని ఉన్న కప్‌ని రేణుకి బర్త్‌డే గిఫ్ట్‌గా ఇచ్చారు. ఆ కప్‌పై ఉన్న ఫొటో (రేణు,అకీరా,ఆద్య ఫొటో)చూసి రేణు భావోద్వేగానికి గురయ్యారు.‌ ‘‘మీరు కథలు బాగా రాస్తారు’ అని ఎవరైనా చెప్పినప్పుడు మామూలుగానే తీసుకుంటాను. కానీ, నా పిల్లలు ఎప్పుడైనా ఫంక్షన్స్‌, పవన్‌కల్యాణ్‌ షూటింగ్స్‌కి వెళ్లినప్పుడు ప్రొడ్యూసర్స్‌, డైరెక్టర్స్‌ ఇతర నటీనటులు ఫోన్‌ చేసి.. ‘ఆద్య, అకీరా చక్కగా ఉన్నారు. మీ పిల్లలు అందరితో కలిసిపోతున్నారు’ అని చెప్పినప్పుడు ఒక తల్లిగా నాకెంతో సంతోషంగా అనిపిస్తుంది’ అని రేణూ వివరించారు.


Tags :

సినిమా

రాజకీయం

జనరల్‌

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

చిత్ర వార్తలు

మరిన్ని

దేవతార్చన