close

తాజా వార్తలు

శతక్కొట్టిన సరిలేరు నీకెవ్వరు

ఇంటర్నెట్‌ డెస్క్‌: టాలీవుడ్‌ సూపర్‌స్టార్‌ మహేశ్‌బాబుకు హ్యాట్రిక్‌ విజయాన్ని అందించిన సరిలేరు నీకెవ్వరు.. రికార్డుల వేటలో తగ్గేదే లేదంటోంది. అనిల్‌ రావిపూడి దర్శకత్వంలో మహేశ్‌బాబు హీరోగా తెరకెక్కిన ఈ చిత్రం కలెక్షన్లలో దూసుకెళుతోంది. మహేశ్‌ హీరోగా నటించిన భరత్‌ అను నేను, మహర్షి సినిమాలు విజయాలు సాధించిన తర్వాత వచ్చిన ఈ సినిమా భారీ అంచనాల మధ్య ఈ నెల 11న విడుదలైంది. అంచనాలకు ఏమాత్రం తగ్గకుండా అభిమానులను అలరిస్తూ రికార్డుల సునామీ సృష్టిస్తోంది. తొలి మూడు రోజుల్లోనే రూ.103కోట్లు వసూలు చేసింది. ఈ సినిమా విడుదలైన మరునాడే అల్లు అర్జున్‌ నటించిన అలవైకుంఠపురములో విడుదలయింది. అయినా మహేశ్‌ సినిమా కలెక్షన్లు ఏమాత్రం తగ్గలేదు. బాక్సాఫీస్‌ వద్ద వందకోట్ల మార్కు దాటిన సందర్భంగా ఆ సినిమా బృందం తన ఆనందాన్ని ట్విటర్‌ వేదికగా అభిమానులతో పంచుకుంది. ‘బ్లాక్‌బస్టర్‌ కా బాప్‌.. బాక్సాఫీస్‌ హంటర్‌..’ అంటూ ఓ పోస్టు పెట్టింది. అంతేకాదు అభిమానుల కోసం ఓ ప్రోమో సైతం విడుదల చేసింది. దానిని బ్లాక్‌బస్టర్‌ కా బాప్‌ ప్రోమో అంటూ పేర్కొంది. అందులో ‘ఫారెస్టా.. వెళ్లినవాడేమైనా టూరిస్టా.. వేటగాడు’ అంటూ విజయశాంతి చెప్పిన డైలాగ్‌ అభిమానులను ఆకట్టుకుంటోంది.



Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.