కరోనా.. ముఖానికి ప్లాస్టిక్‌ కవర్‌తో నటి

ముంబయి: ముఖానికి ప్లాస్టిక్‌ కవర్‌ కట్టుకుని కరోనా వైరస్‌పై అవగాహన కల్పించారు బాలీవుడ్‌ నటి షెఫాలి షా. కరోనా లక్షణాలు కనపడిన వెంటనే వైద్యుడిని సంప్రదించకపోతే మన ఊపిరితిత్తులు ఎలాంటి సమస్యను ఎదుర్కొంటాయనే విషయంపై ఆమె ప్రజలకు అవగాహన కల్పించారు. ముఖానికి ఓ ప్లాస్టిక్‌ కవర్‌ కట్టుకుని ఓ వీడియోను రూపొందించి ఇన్‌స్టా వేదికగా ఆమె షేర్‌ చేశారు.

‘ముఖానికి కవర్‌ కట్టుకున్నప్పుడు ఊపిరాడక మనం ఏ విధంగా ఇబ్బంది పడతామో అదే విధంగా కరోనా వైరస్‌ మన ఊపిరితిత్తులపై ప్రభావం చూపించడం ప్రారంభించినప్పుడు కూడా ఇబ్బంది పడతాయి. దానిని ధైర్యంగా ఎదుర్కొవడం తప్పా మనకి మరొక ఆప్షన్‌ లేదు. మీ భద్రత, మీ కుటుంబ భద్రత, మీ స్నేహితుల, సన్నిహితుల భద్రత కోసం మీరు ఇంట్లోనే ఉండండి. ఇంట్లోనే ఎందుకు ఉండమంటున్నామంటే ఒకవేళ మనం బయటకు వచ్చినప్పుడు ఆ వైరస్‌ సోకితే.. మన నుంచి అది మరింత మందికి అది సోకే ప్రభావం ఉంది. అది కాస్త కార్చిచ్చులా మారిపోయింది. ఇది హెచ్చరిక మాత్రమే కాదు.. అంతకు మించి. కాబట్టి అందరూ ఇళ్లల్లోనే జాగ్రత్తగా ఉండండి’ అని షెఫాలి షా అని పేర్కొంది. సంబంధిత వీడియోను పోస్ట్‌ చేసిన షెఫాలి షా.. ‘దీనిని ఎప్పుడూ ఎవరూ ప్రయత్నించకండి’ అని విజ్ఞప్తి చేశారు.