Itching Sticker: దురదను పసిగట్టే పట్టీ - This Sticker Senses The itching Sensitivity
close
Updated : 29/07/2021 16:26 IST
Facebook Share Twitter Share WhatsApp Share Telegram Share Link Share

Itching Sticker: దురదను పసిగట్టే పట్టీ

సైన్స్‌ మాయ

ఎంత దురద పెడుతోందంటే ఏం చెబుతాం? అనుభవించినవారికే తెలుస్తుంది. నొప్పి మాదిరిగానే దీని తీవ్రతనూ మాటల్లో చెప్పలేం. దీన్ని కొలవటానికి ఎలాంటి పరికరాలూ లేవు. జ్వరం, రక్తపోటును పరీక్షించినట్టుగా దురదను కొలవటానికీ వీలుంటే? ఇలాంటి కొరతను తీర్చటానికే నార్త్‌వెస్టర్న్‌ యూనివర్సిటీ పరిశోధకులు ఓ కొత్తరకం పట్టీని రూపొందించారు. ఇది దురద తీరుతెన్నులను, తీవ్రతను గుర్తిస్తుంది. మెత్తటి, నీటికి తడవని సెన్సర్‌తో కూడిన దీన్ని చేయి వెనకాల అతికిస్తే చాలు. ఎప్పుడెప్పుడు, ఎన్నిసార్లు గోక్కుంటున్నారనేది గుర్తించి నమోదు చేస్తుంది. గోక్కుంటున్న చేతి కదలికల వేగంతో పాటు చర్మం మీద గోళ్లు రాసుకుంటున్నప్పుడు అయ్యే చప్పుడునూ గ్రహిస్తుంది. మెషిన్‌ లెర్నింగ్‌ ఆల్గోరిథమ్‌ సాయంతో ఎప్పుడు గోక్కుంటున్నారనే విషయాన్నీ ఇది పసిగడుతుంది. తీవ్రమైన దురదతో వేధించే ఎండుగజ్జి వంటి జబ్బులకు చికిత్స చేసే డాక్టర్లకిది ఎంతగానో ఉపయోగపడుతుందనటంలో సందేహం లేదు. దీంతో దురద తీవ్రతను పసిగట్టొచ్చు. మందులు పనిచేస్తున్నాయో లేదో తెలుసుకోవచ్చు. నోటితే చెప్పలేని పిల్లల విషయంలోనైతే ఎంతగానో ఉపయోగపడుతుంది.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని