Delta variant: ఆసియా దేశాల్లో డెల్టా అలజడి - asia sees record covid 19 surge delta variant spurs nations to reconsider curbs
close
Updated : 02/08/2021 05:48 IST
Facebook Share Twitter Share WhatsApp Share Telegram Share Link Share

Delta variant: ఆసియా దేశాల్లో డెల్టా అలజడి

కట్టడి చర్యలను ప్రారంభించిన పలు దేశాలు

దిల్లీ: ఆసియా దేశాల్లో డెల్టా వేరియంట్ రోజురోజుకూ విజృంభిస్తోంది. రికార్డు స్థాయిలో నమోదవుతున్న కరోనా కేసుల్లో అధిక శాతం డెల్టా వేరియంట్‌కు చెందినవే కావడంతో ప్రభుత్వాలు తీవ్ర ఆందోళనకు గురవుతున్నాయి. వేగంగా వ్యాపించే లక్షణాలున్న డెల్టా వేరియంట్‌పై ప్రపంచ ఆరోగ్య సంస్థ (డబ్ల్యూహెచ్‌ఓ) హెచ్చరికలతో ఇప్పటికే పలు దేశాలు కట్టడి చర్యలను వేగవంతం చేశాయి. తొలుత భారత్‌లో వెలుగుచూసిన ఈ వేరియంట్‌ ఇప్పటివరకు 132 దేశాలకు పైగా పాకింది. ఒలింపిక్స్‌కు ఆతిథ్యమిస్తున్న జపాన్‌ సహా థాయ్‌లాండ్‌, మలేసియాలో రికార్డు స్థాయిలో కొత్త కేసులు నమోదవుతున్నాయి. ఒలింపిక్స్‌ జరుగుతున్న టోక్యో నగరంలో శనివారం ఒక్కరోజే 4058 కేసులు, మలేసియాలో 17,786 కేసులు నమోదయ్యాయి. థాయ్‌లాండ్‌లో 18,912 కేసులు నమోదవ్వగా.. వాటిలో 60 శాతానికి పైగా డెల్టా వేరియంట్‌కు చెందినవేనని ఆ దేశ ప్రభుత్వం ప్రకటించింది.

కరోనా విజృంభణ నేపథ్యంలో టోక్యో సహా ఆరు నగరాల్లో ఈ నెలాఖరు వరకు జపాన్‌ ప్రభుత్వం ఎమర్జెన్సీ విధించింది. వియత్నాంలో సోమవారం నుంచి 18 నగరాలతోపాటు పలు ప్రావిన్స్‌లలో రెండు వారాలపాటు కఠిన ఆంక్షలు అమల్లోకి రానున్నాయి. బీజింగ్‌ సహా 15 నగరాల్లో డెల్టా కేసుల సంఖ్య పెరుగుతుండటంతో చైనా ప్రభుత్వం అప్రమత్తమైంది. వైరస్‌ను కట్టడించేందుకు భారీ సంఖ్యలో కొవిడ్‌ టెస్టులతోపాటు, రెండు డోసులు వేసుకున్నవారికి మూడో డోసు ఇవ్వాలని యోచిస్తోంది.

గడిచిన 4 వారాల్లో.. ప్రపంచవ్యాప్తంగా పలు ప్రాంతాల్లో కొవిడ్‌ కేసులు సగటున 80 శాతం పెరిగాయని డబ్ల్యూహెచ్‌ఓ డైరెక్టర్‌ జనరల్ టెడ్రోస్‌ అధనామ్‌ తెలిపారు. వ్యాక్సిన్‌ పంపిణీలో అసమానతల వల్ల ప్రమాదకర పరిస్థితులను ఎదుర్కోవాల్సి వస్తుందని ఆందోళన వ్యక్తం చేశారు. భారత్‌లో బయటపడ్డ డెల్టా వేరియంట్.. అంటువ్యాధి చికెన్‌పాక్స్‌ లక్షణాలు కలిగిఉన్నట్లు అమెరికా వ్యాధి నిర్మూలన కేంద్రం ప్రకటించింది. వ్యాక్సిన్‌ తీసుకున్నవారి నుంచి కూడా డెల్టా వేరియంట్‌ వేగంగా వ్యాపించగలదని హెచ్చరించింది.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని