Afghanistan: కాల్పులు, తొక్కిసలాటల్లో 20 మంది మృతి: నాటో - at least 20 deaths in last week during kabul airport evacuation effort: nato official
close
Published : 22/08/2021 18:36 IST
Facebook Share Twitter Share WhatsApp Share Telegram Share Link Share

Afghanistan: కాల్పులు, తొక్కిసలాటల్లో 20 మంది మృతి: నాటో

కాబుల్‌: అఫ్గాన్‌ను తాలిబన్లు కైవసం చేసుకున్న నేపథ్యంలో.. స్థానికంగా పరిస్థితులు దయనీయంగా మారిన విషయం తెలిసిందే. ఈ క్రమంలో దేశం విడిచి వెళ్లిపోవాలనుకుంటున్న వారి సంఖ్య పెరుగుతోంది. ప్రాణాలకు తెగించి వారంతా కాబుల్‌ విమానాశ్రయానికి పోటెత్తుతున్నారు. దీంతో ఎయిర్‌పోర్టు, పరిసరాల్లో గందరగోళ పరిస్థితులు నెలకొంటున్నాయి. ఇదిలా ఉండగా.. కాల్పులు, తొక్కిసలాటల కారణంగా వారం వ్యవధిలో ఇక్కడ దాదాపు 20 మంది మరణించినట్లు నాటో అధికార ప్రతినిధి ఒకరు తాజాగా వెల్లడించారు. శనివారం సైతం ఇక్కడ జరిగిన తొక్కిసలాటలో ఏడుగురు అఫ్గాన్‌ పౌరులు మృతి చెందిన విషయం తెలిసిందే. మరోవైపు తాలిబన్లు కాబుల్‌ను ఆక్రమించినా.. అక్కడి విమానాశ్రయం మాత్రం ఇప్పటికీ అమెరికా బలగాల ఆధీనంలోనే ఉంది.  సుమారు 6 వేల మంది సైనికులు భద్రత కల్పిస్తున్నారు. ఆయా దేశాలు.. తమ పౌరులు, సిబ్బంది, శరణార్థుల తరలింపును ముమ్మరం చేశారు. భారత్‌ సైతం ప్రత్యేక విమానాలు నడుపుతోంది. ఆదివారం కూడా విమానాశ్రయానికి తాకిడి నెలకొంది. రద్దీని నియంత్రించేందుకు తాలిబన్లు గాల్లోకి కాల్పులు జరిపినట్లు ప్రత్యక్ష సాక్షులు ఓ వార్త సంస్థకు వెల్లడించారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని