IPL: యూఏఈలోనే మిగిలిన ఐపీఎల్ సీజన్‌ - bcci confirms the remaining ipl matches to be held in uae
close
Updated : 29/05/2021 15:06 IST
Facebook Share Twitter Share WhatsApp Share Telegram Share Link Share

IPL: యూఏఈలోనే మిగిలిన ఐపీఎల్ సీజన్‌

స్పష్టం చేసిన బీసీసీఐ

ఇంటర్నెట్‌డెస్క్: కరోనా వైరస్‌ కారణంగా అర్ధాంతరంగా నిలిచిపోయిన ఐపీఎల్‌ 14వ సీజన్‌లోని మిగిలిన మ్యాచ్‌లను సెప్టెంబర్‌-అక్టోబర్‌లో యూఏఈలో నిర్వహించాలని బీసీసీఐ నిర్ణయించింది. ఈ మేరకు తాజాగా ఓ ప్రకటన విడుదల చేసింది. శనివారం బీసీసీఐ అధ్యక్షుడు సౌరభ్‌ గంగూలీ నేతృత్వంలో జరిగిన వర్చువల్‌ జనరల్‌ మీటింగ్‌లో ఏకగ్రీవంగా ఈ నిర్ణయం తీసుకున్నారు. మరోవైపు ఈ ఏడాది చివర్లో భారత్‌లో నిర్వహించాల్సిన టీ20 ప్రపంచకప్‌ టోర్నీపై నిర్ణయం తీసుకునేందుకు ఐసీసీని మరో నెల రోజుల గడువు కోరనున్నట్లు బీసీసీఐ తెలిపింది.

భారత్‌లో ప్రస్తుతం కరోనా కేసులు తగ్గుతున్న నేపథ్యంలో అక్టోబర్‌-నవంబర్‌లో ఆ మెగా ఈవెంట్‌ను ఇక్కడే నిర్వహించాలని భారత క్రికెట్‌ బోర్డు భావిస్తోంది. ఈ క్రమంలోనే ఆ నిర్ణయం తీసుకున్నట్లు తెలుస్తోంది. ఈ సమావేశంలో కేవలం ఐపీఎల్‌ నిర్వహణపైనే చర్చించినట్లు సమాచారం. ఐపీఎల్‌ 14వ సీజన్‌లో ఇప్పటికే 29 మ్యాచ్‌లు పూర్తికాగా ఇంకా 31 మ్యాచ్‌లు జరగాల్సి ఉంది. వాటిని సెప్టెంబర్‌ 18 లేదా 19న ప్రారంభించి అక్టోబర్‌ 9 లేదా 10వ తేదీన ఫైనల్‌తో ముగించాలనే ఆలోచనతో బీసీసీఐ అడుగులు వేస్తోంది. ఇందుకు సంబంధించి త్వరలోనే పూర్తి షెడ్యూల్‌ విడుదల చేసే అవకాశం ఉంది. గతేడాది సైతం సెప్టెంబర్‌లోనే యూఏఈలో ఐపీఎల్‌ 13వ సీజన్‌ నిర్వహించిన సంగతి తెలిసిందే.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని