Viral video: ఫుడ్‌ డెలివరీ డ్రోన్‌పై పక్షి దాడి.. - bird attacks food delivery drone internet reacts
close
Published : 27/09/2021 01:39 IST
Facebook Share Twitter Share WhatsApp Share Telegram Share Link Share

Viral video: ఫుడ్‌ డెలివరీ డ్రోన్‌పై పక్షి దాడి..

ఇంటర్నెట్‌ డెస్క్‌: ఫుడ్‌ డెలివరీ సంస్థలు అందుబాటులోకి రావడం ఆహార ప్రియులకు వరంగా మారింది. ఇష్టమైన ఆహారాన్ని ఆర్డర్‌ చేసిన కొద్ది నిమిషాలకే అది వారిముందు ప్రత్యక్షమవుతోంది. ఆర్డర్లు పెరుగుతుండటంతో జోరు పెంచిన కొన్ని విదేశీ సంస్థలు.. డెలివరీలకు డ్రోన్లను వినియోగిస్తున్నాయి. అయితే డ్రోన్‌ డెలివరీ కొంచెం రిస్క్‌తో కూడుకున్న వ్యవహారం. డెలివరీ సమయంలో పలు ఆటంకాలు ఎదురుకావచ్చు. ఆస్ట్రేలియాలోని కాన్‌బెర్రాలో ఆహారాన్ని డెలివరీ చేసేందుకు వెళుతున్న ఓ డ్రోన్‌పై కాకి దాడిచేసింది. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది.

బెన్‌ రోబెర్ట్‌ అనే వ్యక్తి ఆన్‌లైన్‌లో ఫుడ్‌ ఆర్డర్‌ చేసి డెలివరీ కోసం వేచిచూస్తున్నాడు. ఆ పార్సిల్‌ను డ్రోన్‌ తీసుకొస్తుండగా.. ఆ డ్రోన్‌ను ఓ కాకి వెంబడించింది. డ్రోన్‌పై ముక్కుతో దాడి చేసింది. అనంతరం అక్కడి నుంచి వెళ్లిపోయింది. ఈ క్రమంలోనే ఆ డెలివరీని డ్రోన్‌ అక్కడే జారవిడిచింది. ఆర్డర్‌ కోసం వేచిచూస్తున్న బెన్‌ రోబెర్ట్‌ ఈ తతంగాన్నంతా వీడియో తీసి యూట్యూబ్‌లో పోస్టు చేశాడు. ఈ దృశ్యాలను చూసిన నెటిజన్లు భిన్నంగా స్పందిస్తున్నారు. ప్రస్తుతం పక్షులు ఎదుర్కొంటున్న సమస్యలపై ఆవేదన వ్యక్తం చేశారు. పక్షుల స్థలాలను ఆక్రమించుకొని మానవులు ఈ రకంగా కూడా వాటికి ఇబ్బందులు కలిగిస్తున్నారంటూ పేర్కొంటున్నారు.



Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని