Political news: ‘ఓబీసీలకు హక్కులు ఇవ్వడం భాజపాకు ఇష్టం లేదు’ - bjp not in favour of giving obcs their rights proportional to population akhilesh yadav
close
Published : 26/09/2021 01:46 IST
Facebook Share Twitter Share WhatsApp Share Telegram Share Link Share

Political news: ‘ఓబీసీలకు హక్కులు ఇవ్వడం భాజపాకు ఇష్టం లేదు’

దిల్లీ: ఈ దఫా జనగణనలో ఓబీసీ లెక్కలను సేకరించడం సాధ్యం కాదని ఇటీవల కేంద్ర ప్రభుత్వం సుప్రీంకోర్టుకు చెప్పిన విషయం తెలిసిందే. ఈ విషయంలో సమాజ్‌వాదీ పార్టీ అధ్యక్షుడు అఖిలేష్‌ యాదవ్‌ శనివారం భాజపాపై మండిపడ్డారు. ఓబీసీలకు జనాభా ప్రకారం హక్కులను ఇచ్చేందుకు ఆ పార్టీ అనుకూలంగా లేదని ట్వీటర్‌ వేదికగా ఆరోపించారు. ‘ఈ దీర్ఘకాలిక డిమాండ్‌ను తిరస్కరించడం ద్వారా.. తమకు ఓబీసీల జనాభాను లెక్కించడం ఇష్టం లేదని భాజపా ప్రభుత్వం నిరూపించింది. ఎందుకంటే జనాభా ప్రాతిపదికన ఓబీసీలకు హక్కులు ఇవ్వడం ఆ పార్టీకి ఇష్టం లేదు. డబ్బు, అధికారానికే మద్దతు ఇస్తున్న భాజపా.. మొదటి నుంచే సామాజిక న్యాయాన్ని వ్యతిరేకిస్తోంది’ అని ఆరోపించారు.

33 సీనియర్‌ నేతలకు తేజస్వీ యాదవ్‌ లేఖలు

మరోవైపు రాష్ట్రీయ జనతాదళ్‌ నాయకుడు, బిహార్ ప్రతిపక్ష నేత తేజస్వీయాదవ్‌ శనివారం ఓబీసీల లెక్కింపు డిమాండ్ గురించి దేశంలోని 33 మంది సీనియర్ నాయకులకు లేఖలు రాశారు. ఈ డిమాండ్‌ను దేశ నిర్మాణంలో ఒక ముఖ్యమైన ప్రక్రియగా చూడాల్సిన అవసరం ఉందని అందులో పేర్కొన్నారు. ఓబీసీల గణనకు ఇదే చారిత్రక అవకాశం అని, అత్యవసరంగా పరిష్కారించాల్సిన అనేక సమస్యలను ఇది తెరపైకి తెస్తుందని వివరించారు.





మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని