సామ్‌కి ప్రైవసీ లేదు.. రాధిక ఫ్యామిలీ వేడుక

సోషల్‌ లుక్‌: ప్రముఖులు పంచుకున్న విశేషాలు

* రాధిక, శరత్‌ కుమార్ ఇంట్లో పండుగ వాతావరణం నెలకొంది. మనవరాలికి వెంట్రుకలు తీసినట్లు తెలుపుతూ.. రాధిక ఫొటోల్ని షేర్‌ చేశారు. కుటుంబ సభ్యులు ఎంతో ఆనందంగా ఉన్న ఈ ఫొటోలు అభిమానుల్ని ఆకట్టుకుంటున్నాయి.

* తన పెంపుడు కుక్క హష్‌ ఉన్న క్యూట్‌ వీడియోను సమంత షేర్‌ చేశారు. వ్యక్తిగత ఏకాంతాన్ని కోల్పోయి రెండేళ్లు అవుతోందని, హష్‌ ఎప్పుడూ తన చుట్టూ తిరుగుతుంటాడని ఫన్నీగా కామెంట్‌ చేశారు.

* నటి సోనమ్‌ కపూర్‌ తన భర్త ఆనంద్‌ ఆహూజాతో కలిసి లండన్‌ వెళ్లారు. ఈ సందర్భంగా భర్తపై ప్రేమను తెలుపుతూ సోనమ్‌ ఓ పోస్ట్‌ చేశారు. ‘లవ్‌ యూ.. నువ్వు ప్రతి రోజును ప్రత్యేకం చేస్తున్నావు’ అని పేర్కొన్నారు.

* ఈ రోజు తమ కుటుంబానికి ఎంతో ప్రత్యేకమని నటి స్నేహా అన్నారు. ఓ శుభకార్యానికి సంబంధించిన ఫొటోలు పంచుకున్నారు. అందరి ఆశీర్వాదాలు కావాలని కోరారు. కానీ సందర్భం ఏంటో మాత్రం ఆమె తెలపలేదు. 

* వ్యాఖ్యాత, నటి అనసూయ మరో సరికొత్త పాత్రతో ప్రేక్షకుల ముందుకు రాబోతున్నారు. ఓ కోలీవుడ్‌ ప్రాజెక్టులో నటిస్తున్నానంటూ బ్లాక్‌ అండ్‌ వైట్‌ ఫొటో షేర్‌ చేశారు. కథ తనకు చాలా నచ్చిందని తెలిపారు.