కరోనా కట్టడికి నేడు కేంద్ర ఆరోగ్య మంత్రి సమీక్ష  - central health minister meets state health ministers tomorrow
close
Updated : 06/04/2021 01:00 IST
Facebook Share Twitter Share WhatsApp Share Telegram Share Link Share

కరోనా కట్టడికి నేడు కేంద్ర ఆరోగ్య మంత్రి సమీక్ష 

దిల్లీ: భారత్‌లో కొవిడ్‌ విజృంభణ నేపథ్యంలో మహమ్మారి కట్టడికి కేంద్రం చర్యలు ముమ్మరంచేస్తోంది. సెకండ్‌ వేవ్‌లో వైరస్‌ వ్యాప్తిని దృష్టిలో ఉంచుకొని ఎప్పటికప్పుడు రాష్ట్రాలను అప్రమత్తం చేస్తోంది. మరోవైపు, సోమవారం ఒక్కరోజే లక్షకు పైగా కొవిడ్‌ కేసులు వెలుగుచూడటంతో ఈ చర్యలను మరింత వేగవంతం చేసింది. దీనిలో భాగంగా మంగళవారం కేంద్ర పాలిత ప్రాంతాలతో పాటు కొవిడ్‌ వ్యాప్తి ఎక్కువగా ఉన్న మరో 11 రాష్ట్రాలకు చెందిన వైద్యారోగ్య శాఖ మంత్రులతో కేంద్ర ఆరోగ్య శాఖ మంత్రి హర్షవర్ధన్‌ భేటీ కానున్నారు. ఈ భేటీలో రాష్ట్రాల్లో కరోనా వ్యాప్తి, దీని కట్టడికి అవలంబించాల్సిన కార్యచరణ, టీకా పంపిణీ తదితర అంశాలపై చర్చించనున్నారు. 

మరోవైపు, భారత్‌లో తాజాగా లక్షకు పైగా కొవిడ్‌ కేసులు నమోదయ్యాయి. అమెరికా, బ్రెజిల్‌ తరువాత కరోనా వ్యాప్తి మన దేశంలోనే ఎక్కువగా ఉంది. ఈ ఏడాది జనవరి 8న అమెరికాలో 3 లక్షల కేసులు నమోదు కాగా, బ్రెజిల్‌లో మార్చి 25న లక్షపైగా కేసులు వెలుగు చూశాయి. కాగా, ఇప్పటివరకు దేశవ్యాప్తంగా 7.91 కోట్ల కొవిడ్‌ టీకా డోసులు పంపిణీ చేసినట్లు కేంద్ర వైద్యారోగ్య శాఖ పేర్కొంది. ఏప్రిల్‌ 2 నుంచి 45 ఏళ్లు నిండిన ప్రతిఒక్కరికీ కేంద్రం టీకా పంపిణీ చేస్తున్న విషయం తెలిసిందే.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని