Covid Deaths: కరోనా మరణమృదంగం.. గత వారంలోనే 21% పెరిగాయ్‌! - coronavirus deaths up 21 per cent in last week says who
close
Updated : 28/07/2021 19:16 IST
Facebook Share Twitter Share WhatsApp Share Telegram Share Link Share

Covid Deaths: కరోనా మరణమృదంగం.. గత వారంలోనే 21% పెరిగాయ్‌!

డబ్ల్యూహెచ్‌వో వెల్లడి

జెనీవా: ప్రపంచ దేశాల్లో కరోనా మరణమృదంగం కొనసాగుతూనే ఉంది. ఈ మహమ్మారి ఉద్ధృతి ఇటీవల కాస్త తగ్గినట్టు కనబడినప్పటికీ కొత్త రూపాలతో విరుచుకుపడి అనేకమంది ప్రాణాల్ని బలితీసుకుంటోంది. గత వారంలో ప్రపంచ వ్యాప్తంగా మరణాలు సంఖ్య 21శాతం పెరిగినట్టు ప్రపంచ ఆరోగ్య సంస్థ (డబ్ల్యూహెచ్‌వో) వెల్లడించింది. అమెరికా, ఆగ్నేయాసియాలోనే దాదాపు 69 వేలకు పైగా మరణాలు నమోదైనట్టు పేర్కొంది. కరోనా కేసులు కూడా 8శాతం పెరగడంతో ప్రపంచవ్యాప్తంగా ఇప్పటివరకు నమోదైన కేసుల సంఖ్య దాదాపు 194 మిలియన్లకు చేరినట్టు ప్రపంచ ఆరోగ్య సంస్థ గుర్తించింది.

ఇదే ట్రెండ్‌ కొనసాగితే మాత్రం రాబోయే రెండు వారాల్లో మొత్తం ఇన్‌ఫెక్షన్ల సంఖ్య 200 మిలియన్లు దాటేస్తుందని అంచనా వేసింది. యూరప్‌ మినహా అన్ని ప్రాంతాల్లోనూ కొవిడ్‌ మరణాలు పెరుగుతున్నట్టు ప్రకటనలో పేర్కొంది. అమెరికా, బ్రెజిల్‌, ఇండోనేషియా, యూకే, భారత్‌లలోనే భారీ సంఖ్యలో కేసులు నమోదవుతున్నట్టు డబ్ల్యూహెచ్‌వో తెలిపింది.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని