IND vs SL: సిరీసుపై ‘కొవిడ్‌’ మబ్బులు! - covid cases increasing in sri lanka slc worried about team india tour
close
Published : 15/05/2021 14:29 IST
Facebook Share Twitter Share WhatsApp Share Telegram Share Link Share

IND vs SL: సిరీసుపై ‘కొవిడ్‌’ మబ్బులు!

ఇంటర్నెట్‌ డెస్క్‌: శ్రీలంకలో భారత జట్టు పర్యటనపై కొవిడ్‌ మబ్బులు కమ్ముకుంటున్నాయి! రెండు జట్ల మధ్య జరగాల్సిన మూడు వన్డేలు, మూడు టీ20లపై సందిగ్ధం నెలకొంది. లంకలో కరోనా వైరస్‌ కేసులు పెరుగుతుండటమే ఇందుకు కారణం.

గురువారం లంక 3,269 కేసులు, 24 మరణాలను నివేదించింది. గత ఏడు రోజుల్లో కేసుల సంఖ్య మొత్తం 16,343, మరణాలు 147కు చేరుకున్నాయి. మెల్లగా కరోనా రెండో వేవ్‌ ప్రభావం అక్కడ పెరుగుతోంది. వైరస్‌ కారణంగా గతేడాది జరగాల్సిన శ్రీలంక×భారత్‌ సిరీసును ఇప్పటికి వాయిదా వేసిన సంగతి తెలిసిందే.

‘పెరుగుతున్న కొవిడ్‌-19 కేసులు ఆందోళన కలిగిస్తున్నాయి. కానీ గతేడాది కరోనా ఉన్నప్పటికీ ఇంగ్లాండ్‌, ఇతర సిరీసులను విజయవంతంగా నిర్వహించాం. ఇప్పుడు భారత్‌తో సిరీసునూ అలాగే నిర్వహిస్తామన్న నమ్మకం ఉంది. ఏదేమైనా కేసులు పెరగకూడదని కోరుకుంటున్నాం’ అని శ్రీలంక క్రికెట్‌ సీనియర్‌ అధికారి ఒకరు మీడియాకు వెల్లడించారు.

మరికొన్ని రోజుల్లో విరాట్‌ కోహ్లీ, రోహిత్‌ శర్మ, జస్ప్రీత్‌ బుమ్రా, మహ్మద్‌ షమి వంటి సీనియర్లతో కూడిన భారత జట్టు ఇంగ్లాండ్‌లో పర్యటించనుంది. అక్కడ న్యూజిలాండ్‌తో ప్రపంచ టెస్టు ఛాంపియన్‌షిప్‌ ఫైనల్స్, ఇంగ్లాండ్‌తో టెస్టు సిరీసు ఆడనుంది. అదే సమయంలో తెల్ల బంతి స్పెషలిస్టులు శ్రీలంకలో పర్యటిస్తారని బీసీసీఐ అధ్యక్షుడు సౌరవ్‌ గంగూలీ స్పష్టం చేశారు. శిఖర్ ధావన్‌, భువనేశ్వర్‌ కుమార్‌, హార్దిక్, యూజీ, సంజు, పృథ్వీషా, దీపక్‌ చాహర్‌, రాహుల్‌ చాహర్‌, వరుణ్‌ చక్రవర్తి, రాహుల్‌ తెవాతియా వంటి కుర్రాళ్లతో కూడి జట్టు లంకలో పర్యటించనుంది. 3 వన్డేలు, 3 టీ20లకు ప్రేమదాస స్టేడియం ఆతిథ్యం ఇవ్వనుంది.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని