Everestనూ తాకిన కరోనా - covid-19 reaches worlds highest mountain norwegian climber erlend ness 1st to test positive on mount everest
close
Updated : 23/04/2021 20:36 IST
Facebook Share Twitter Share WhatsApp Share Telegram Share Link Share

Everestనూ తాకిన కరోనా

కాఠ్‌మాండూ: ఎవరెస్ట్‌ శిఖరం మీద మొట్టమొదటి కరోనా కేసు నమోదైంది. అక్కడి బేస్‌ క్యాంప్‌లో నార్వేకు చెందిన పర్వతారోహకుడు ఎర్లెండ్‌ నెస్‌కు కరోనా సోకింది. అతడిని హెలికాప్టర్‌ ద్వారా కాఠ్‌మాండూ ఆస్పత్రి తరలించారు. ఎర్లెండ్‌ నెస్‌, ఏప్రిల్‌ 15న కరోనా టెస్టులు చేయించుకోగా కరోనా పాజివ్‌గా నిర్ధారణ అయ్యింది. గురువారం మరోసారి పరీక్షలు చేయగా ఫలితం నెగెటివ్‌ వచ్చిందని, ప్రస్తుతం తన కుటుంబంతో కలిసి నేపాల్‌లో ఉంటున్నానని ఆయన తెలిపారు.

ఎవరెస్ట్‌, లోట్సే శిఖరాలను అధిరోహించే 18 మంది బృందానికి ఏస్‌ గైడ్‌, ఆస్ట్రియన్‌ లుకాస్‌ ఫుర్టెన్‌బాచ్‌ నాయకత్వం వహిస్తున్నారు. బేస్‌ క్యాంపుల్లోని ఉన్న వాళ్లందరికీ టెస్టులు చేయించాలని, నిర్లక్ష్యం చేస్తే అధిక సంఖ్యలో కరోనా కేసులు నమోదవుతాయిని ఫుర్టెన్‌బాచ్‌ హెచ్చరించారు. ఇదిలా ఉంటే.. ప్రస్తుతం అక్కడ ఎలాంటి కరోనా యాక్టిక్‌ కేసులు లేవని నేపాల్‌ పర్వతారోహణ అధికారి వెల్లడించారు. కొవిడ్‌-19 కేసుల గురించి తమకు ఎలాంటి అధికారిక సమాచారం అందలేదని, పర్వతాలమీద న్యుమోనియా, ఆల్టిట్యూడ్‌ ఇల్‌నెస్‌ వంటి అనారోగ్య సమస్యలు మాత్రమే ఉన్నాయని పర్వతారోహణ విభాగం డైరెక్టర్‌ మీరా ఆచార్య తెలిపారు. 


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని