Karnataka: మళ్లీ కొవిడ్‌ విజృంభణ.. కర్ణాటకలో ఆంక్షలు - covid 19 spike karnataka govt allows bbmp to impose containment measures
close
Published : 30/07/2021 20:13 IST
Facebook Share Twitter Share WhatsApp Share Telegram Share Link Share

Karnataka: మళ్లీ కొవిడ్‌ విజృంభణ.. కర్ణాటకలో ఆంక్షలు

బెంగళూరు: కొద్దివారాలుగా తగ్గుముఖం పడుతూ వచ్చిన కొవిడ్ మహమ్మారి.. మరోమారు విజృంభిస్తోంది. వైరస్​ కేసులు క్రమంగా పెరుగుతున్న నేపథ్యంలో పలు రాష్ట్రాలు ఇప్పటికే ఉన్న ఆంక్షలను కఠినతరం చేయడం సహా కొత్త నిబంధనలను విధిస్తున్నాయి. కర్ణాటకకు వచ్చేవారికి నెగిటివ్​ ఆర్​టీపీసీఆర్​ రిపోర్టు తప్పనిసరి చేసింది ఆ రాష్ట్ర సర్కారు.

అకస్మాత్తుగా కరోనా కేసులు పెరగడం.. సరిహద్దు రాష్ట్రాలు కేరళ, మహారాష్ట్రలో వైరస్‌ విజృంభణతో కర్ణాటకలో లాక్​డౌన్​ భయాలు పెరిగాయి. సరిహద్దు జిల్లాలు దక్షిణ కన్నడ, చామరాజనగర్, చిక్కమగళూరు, హసన్​లో క్రమంగా కేసులు పెరుగుతున్నాయి. ఈ నేపథ్యంలోనే ఆ రాష్ట్ర కొత్త సీఎం బసరాజ్​ బొమ్మై స్పందించారు. వ్యాధి వ్యాప్తిని అరికట్టేందుకు సరిహద్దుల్లో ఆంక్షలు కఠినతరం చేసి.. టెస్టులు, వ్యాక్సినేషన్​ను తప్పనిసరి చేయాల్సిన అవసరం ఉందని పేర్కొన్నారు. దిల్లీ పర్యటనలో ఉన్న ఆయన మాట్లాడుతూ.. మహమ్మారిని ఎదుర్కొనేందుకు రాష్ట్ర ఆరోగ్య మౌలిక సదుపాయాలను బలోపేతం చేయనున్నట్లు వెల్లడించారు.

ఈ నేపథ్యంలోనే కఠిన చర్యలకు దిగింది కర్ణాటక ప్రభుత్వం. ముఖ్యంగా కేరళ, మహారాష్ట్ర నుంచి వచ్చేవారికి ఆర్​టీపీసీఆర్​ నెగిటివ్​ రిపోర్టు తప్పనిసరి చేసింది. గతంలో కరోనా టీకా తీసుకున్నవారికి అందుకు మినహాయింపు ఉన్నా.. ప్రస్తుతం వారు కూడా నెగిటివ్ రిపోర్టు సమర్పించాల్సిందేనని స్పష్టం చేసింది. పర్యవేక్షణ కఠినతరం చేయాలని జిల్లా యంత్రంగాలను ప్రభుత్వం ఆదేశించింది . పరిస్థితిని ఎప్పటికప్పుడు సమీక్షిస్తూ అవసరమైతే అదనపు ఆంక్షలను విధించుకోవచ్చని వెల్లడించింది. పండగల కోసం చేసే ప్రయాణాలపైనా రాష్ట్రంలో ఆంక్షలు విధించే అవకాశం ఉంది. కర్ణాటకలో గురువారం 2,052 కేసులు నమోదయ్యాయి. బుధవారంతో పోలిస్తే దాదాపు 500 కేసులు అధికంగా నమోదయ్యాయి.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని