Arjun Mk-1A: శత్రుసేనలకు ఇక చుక్కలే.. 118 భారీ యుద్ధ ట్యాంకులకు కేంద్రం ఆర్డర్‌ - defence ministry places order for 118 tanks
close
Updated : 24/09/2021 13:01 IST
Facebook Share Twitter Share WhatsApp Share Telegram Share Link Share

Arjun Mk-1A: శత్రుసేనలకు ఇక చుక్కలే.. 118 భారీ యుద్ధ ట్యాంకులకు కేంద్రం ఆర్డర్‌

దిల్లీ: దేశభద్రతే పరమావధిగా సైనిక సామర్థ్యాన్ని మరింత బలోపేతం చేసేలా కేంద్ర రక్షణశాఖ మరో కీలక నిర్ణయం తీసుకుంది. శత్రుసేనలను తుదముట్టించడంలో అత్యాధునిక అస్త్రమైన 118 అర్జున్‌ మెయిన్‌ బ్యాటిల్‌ ట్యాంక్‌ (ఎంబీటీ)లను రూ.7,523 కోట్లతో కొనుగోలు చేసేందుకు చర్యలు ప్రారంభించింది. అర్జున్‌ ఎంబీటీ Mk-1A ట్యాంకుల కొనుగోలుకు చెన్నై ఆవడిలో హెవీ వెహికల్స్‌ ఫ్యాక్టరీ (HVF)కి ఈ మేరకు ఆర్డర్‌ ఇచ్చింది. MBT MK-1A కొత్త వేరియంట్ అర్జున్‌ ట్యాంక్‌ ఫైర్‌ పవర్‌, త్వరితగతిన తరలించడం, శత్రు ట్యాంకులను ఎదుర్కోవడంతో సహా 72 ఆధునిక ఫీచర్లతో పాటు స్వదేశీ పరిజ్ఞానంతో రూపుదిద్దుకోవడం దీని ప్రత్యేకత. 118 మెయిన్‌ బ్యాటిల్‌ ట్యాంక్‌ (MBT) అర్జున్ Mk-1A భారత సైన్యానికి సరఫరా చేసేందుకు చెన్నైలోని ఆవడిలో ఉన్న  హెవీ వెహికల్స్ ఫ్యాక్టరీ (HVF)కి ఆర్డర్‌ చేసినట్టు కేంద్ర రక్షణశాఖ ఓ ప్రకటనలో వెల్లడించింది.

రూ.7,523 కోట్ల విలువైన ఈ ఆర్డర్‌.. రక్షణ రంగంలో 'మేక్ ఇన్ ఇండియా' కార్యక్రమానికి మరింత ప్రోత్సాహాన్నివ్వడంతో పాటు ఆత్మనిర్భర్ భారత్ సాధనలో ఇదో గొప్ప ముందడుగని రక్షణశాఖ పేర్కొంది. ఈ ట్యాంకులు పగలు, రాత్రి సమయాల్లో కచ్చితంగా పనిచేయడంతో పాటు అన్ని భూభాగాల్లో  శత్రుసేనల కదలికలను గుర్తించి వారిని కట్టడి చేయడంలో కీలకంగా పనిచేయగలవని తెలిపింది. ప్రస్తుతం భారత సైన్యం వినియోగిస్తున్న అర్జున్‌ MBTని అప్‌గ్రేడ్‌ చేస్తూ అధునాతన ఫీచర్లతో దేశ రక్షణ పరిశోధనాభివృద్ధి సంస్థ (డీఆర్‌డీవో) దీన్ని అభివృద్ధి చేసింది. ఈ ఏడాది ఫిబ్రవరి 14న ప్రధాని నరేంద్ర మోదీ ఈ అర్జున Mk-1A ట్యాంక్‌ని ఆర్మీ చీఫ్‌ ఎంఎం నరవణెకు చెన్నైలో అందించిన విషయం తెలిసిందే.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని