RRR విడుదల అప్‌డేట్‌.. పోస్టు డిలీట్‌ - did alison doody accidentally confirm rrr release date
close
Updated : 23/01/2021 16:14 IST
Facebook Share Twitter Share WhatsApp Share Telegram Share Link Share

RRR విడుదల అప్‌డేట్‌.. పోస్టు డిలీట్‌

ఇంటర్నెట్‌ డెస్క్‌: సినిమా అభిమానులంతా పెద్ద సినిమాల గురించి అప్‌డేట్‌లు ఎప్పుడెప్పుడు వస్తాయా అని ఆసక్తిగా ఎదురు చూస్తున్నారు. ఈ క్రమంలోనే దర్శకధీరుడు రాజమౌళి తెరకెక్కిస్తున్న ప్రతిష్ఠాత్మక చిత్రం ‘ఆర్‌ఆర్‌ఆర్‌’ గురించి ఒక ఆసక్తికరమైన వార్త బయటికి వచ్చింది. యావత్‌ భారతీయ సినీ ప్రేమికులు ఎంతో ఆసక్తిగా ఎదురు చూస్తున్న విడుదల తేదీ ప్రకటించారు. సినిమాలో నటిస్తున్న ఐరిష్‌(ఐర్లాండ్‌) నటి అలిసన్‌ డూడీ ఇన్‌స్టాగ్రామ్‌లో ఓ పోస్టు చేసింది. అందులో ‘ఆర్‌ఆర్‌ఆర్‌’ చిత్రం ఈ ఏడాది అక్టోబర్‌ 8న విడుదల కానుందంటూ ప్రకటించింది. అయితే.. వెంటనే ఆ పోస్టు వైరల్‌ కాకముందే తొలగించింది. ఆమె అనుకోకుండా చేసిన ఆ పోస్టులో నిజమెంత..? అనేది తెలియాలంటే చిత్రబృందం అధికారికంగా ప్రకటించే వరకూ ఎదురుచూడాల్సిందే మరి.

రాజమౌళి దర్శకత్వంలో ఈ సినిమా భారీ బడ్జెట్‌తో తెరకెక్కుతోంది. రామరాజుగా మెగాపవర్‌స్టార్‌ రామ్‌చరణ్‌, కొమురంభీమ్‌గా యంగ్‌టైగర్‌ ఎన్టీఆర్‌ ప్రధాన పాత్రల్లో నటిస్తున్నారు. తారక్‌కు జోడీగా ఒలివియా మోరిస్‌, చరణ్‌కు జంటగా అలియా భట్‌ నటిస్తున్న విషయం తెలిసిందే. బాలీవుడ్‌ నటుడు అజయ్‌దేవగణ్‌, హాలీవుడ్‌ నటుడు రే స్టీవెన్‌సన్‌, సముద్రఖని కీలక పాత్రల్లో కనిపించనున్నారు. డీవీవీ దానయ్య ఈ చిత్రాన్ని నిర్మిస్తున్నారు. కీరవాణి సంగీతం సమకూర్చారు. ప్రస్తుతం ఈ సినిమా చిత్రీకరణ కీలకదశలో ఉంది.

ఇదీ చదవండి..

ప్రభాస్‌ ఫ్యాన్స్‌కు అశ్విన్‌ సర్‌ప్రైజ్‌



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని