మాస్కు ఎందుకు పెట్టుకోవడంలేదంటే..! - difficulty breathing uncomfortable: reasons indians give for not wearing face masks
close
Published : 14/07/2021 01:23 IST
Facebook Share Twitter Share WhatsApp Share Telegram Share Link Share

మాస్కు ఎందుకు పెట్టుకోవడంలేదంటే..!

దిల్లీ: కొవిడ్‌ కట్టడిలో భాగంగా మాస్కులు ధరించడం, భౌతిక దూరం పాటించడం, వ్యాక్సిన్‌ తీసుకోవడంపై ప్రభుత్వం, వైద్యులు ఎంత ప్రచారం చేసినా కొందరు మాత్రం ఇప్పటికీ నిర్లక్ష్యంగానే వ్యవహరిస్తున్నారు. చాలామంది మాస్కులు లేకుండానే సంచరిస్తున్నారు. అయితే వారంతా మాస్కులు ఎందుకు ధరించడం లేదనే అంశానికి సంబంధించి మూడు ముఖ్యమైన కారణాలు తెలుసుకునేందుకు కేంద్ర ఆరోగ్య శాఖ సర్వే చేసింది. అందులో ప్రధానంగా ఎక్కువ మంది మాస్కులు ధరించకపోవడానికి ఈ కారణాలను వెల్లడించారు. మాస్కులు పెట్టుకుంటే తమకు ఊపిరి తీసుకోవడంలో ఇబ్బందిగా ఉందని కొందరు చెప్పారు. మాస్కులు ధరించడం అసౌకర్యంగా ఉందంటూ మరికొందరు చెప్పారు. భౌతిక దూరం పాటించినంత కాలం తమకు మాస్కులు ధరించాల్సిన అవసరం లేదని కొంతమంది అభిప్రాయం వ్యక్తం చేశారు.

మాస్కులు ధరించినంత మాత్రాన కొవిడ్‌ను అడ్డుకోలేమంటూ జరుగుతున్న అసత్య ప్రచారంపైనా కేంద్ర ఆరోగ్య శాఖ స్పందించింది. కొవిడ్‌ నిబంధనలు పాటించకపోతే మూడో దశ ముప్పు తప్పదంటూ కేంద్రం చేసిన హెచ్చరికను పెడచెవిన పెడుతున్న ప్రజల నిర్లక్ష్య ధోరణిని సైతం ప్రత్యేకంగా ప్రస్తావించింది. ధర్డ్‌ వేవ్‌పై తాము చెబుతున్న అంశాలను వాతావరణ నివేదికలుగా కొందరు భావిస్తున్నట్లు తెలిపింది. 


 



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని