Artificial Rain: కృత్రిమ వర్షంతో పులకరించిన దుబాయ్‌ - dubai creates artificial rain using drones to battle extreme heat
close
Published : 24/07/2021 01:04 IST
Facebook Share Twitter Share WhatsApp Share Telegram Share Link Share

Artificial Rain: కృత్రిమ వర్షంతో పులకరించిన దుబాయ్‌

దుబాయ్‌: భారత్​, చైనా వంటి దేశాలు వర్షాలతో విలవిల్లాడుతుంటే.. వర్షాలు లేక దుబాయ్​ అల్లాడుతోంది. ఎండలు మండిపోతుండటంతో ఆ వేడిని తట్టుకునేందుకు అక్కడి ప్రభుత్వం కృత్రిమంగా వర్షాన్ని సృష్టించింది. అంతకంతకూ పెరిగిపోతున్న ఉష్ణోగ్రతలను అదుపు చేయడానికి ఈ వినూత్న ప్రయోగం చేపట్టింది. దీనికి సంబంధించిన వీడియోలు సామాజిక మాధ్యమాల్లో వైరల్​గా మారాయి.

ప్రపంచంలోని పలు దేశాలను వరుణుడు ఎన్నో ఏళ్లుగా కనికరించడంలేదు. ఇందులో దుబాయ్​ ముందువరుసలో ఉంటుంది. ప్రస్తుతం 50 డిగ్రీల ఉష్ణోగ్రతతో దుబాయ్​ వాసులు భానుడి భగభగలు తట్టుకోలేకపోతున్నారు. ఎండలతో విసిగిపోయిన అక్కడి ప్రభుత్వం.. ఓ భారీ ప్రాజెక్టును చేపట్టింది. వరుణుడు కనికరించకపోయినా వర్షాన్ని నేలకు తీసుకొచ్చే పనిలో పడింది. ఇందుకు ‘క్లౌడ్​ సీడింగ్’​ అని పిలిచే వర్షం తయారుచేసే​ టెక్నాలజీని ఉపయోగించింది. దీంతో దేశంలోని పలు ప్రాంతాల్లో భారీ వర్షం కురిసింది. కొన్ని ప్రాంతాలు తడిసి ముద్దయ్యాయి. దీని తాలూకూ వీడియోలు సామాజిక మాధ్యమాల్లో వైరల్​గా మారాయి.

ఈ క్లౌడ్ సీడింగ్.. డ్రోన్ టెక్నాలజీపై ఆధారపడి ఉంటుంది. ఆకాశం మేఘావృతమైనపుడు డ్రోన్లను మేఘాల మధ్యకు పంపించి వాటి ద్వారా విద్యుత్​ షాక్​ ఇస్తారు. ఇలా చేయడం ద్వారా అవి కలిసిపోయి వర్షం సృష్టించేందుకు ప్రేరేపిస్తాయి. ఇంగ్లాండ్‌లోని యూనివర్శిటీ ఆఫ్​ రీడింగ్​కు చెందిన ప్రొఫెసర్​ మార్టిన్​ అంబామ్​ ఈ టెక్నాలజీని ఉపయోగించే బృందానికి నేతృత్వం వహించారు. దుబాయ్‌ ప్రభుత్వం ఈ ప్రాజెక్ట్​ కోసం సుమారు 15 మిలియన్​ డాలర్లును ఖర్చు చేసింది. ఈ భారీ వర్షపాతానికి ముందు పోలీసులు, వాతావరణ శాఖ ప్రజలకు హెచ్చరికలు జారీ చేశారు. వర్షం సమయంలో ఎవరూ బయటకు రావొద్దని, ముఖ్యంగా ప్రయాణాలు చేయకూడదని సూచించారు.




మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని