ఎన్టీఆర్‌ ఈజ్‌ బ్యాక్‌..జున్నుతో నాని ముచ్చట్లు

సోషల్‌ లుక్‌: సెలబ్రిటీల విశేషాలు..

* ‘ఆర్‌.ఆర్‌.ఆర్‌’ షూటింగ్‌ నుంచి చిన్న విరామం తీసుకున్న ఎన్టీఆర్‌ ఇటీవల తన కుటుంబ సభ్యులతో కలిసి దుబాయ్ ట్రిప్‌కు వెళ్లారు. శనివారం తిరిగి హైదరాబాద్‌ చేరుకున్నారు. ఈ క్రమంలో విమానాశ్రయంలో తీసిన ఫొటో సోషల్‌ మీడియాలో చక్కర్లు కొడుతోంది.

* నాని సండేను తన సన్‌తో కలిసి గడిపారు. అర్జున్‌ (జున్ను)తో ఆడుకుంటున్న వీడియోను అంజన షేర్‌ చేశారు. బుడతడు బుజ్జి బుజ్జి మాటలు నెటిజన్లను అలరిస్తున్నాయి.

* తన బాయ్‌ నైక్‌ను కీర్తి సురేశ్‌ ఎంతో మిస్‌ అవుతున్నారట. పెంపుడు కుక్క పిల్లతో ఉన్న చక్కటి వీడియోను ఆమె షేర్‌ చేశారు. ‘రంగ్‌దే’ షూటింగ్ కోసం కీర్తి దుబాయ్‌ వెళ్లినట్లు సమాచారం.

* ప్రియుడు అర్జున్‌ కపూర్‌తో ఉంటే ప్రతి క్షణం ఉత్సాహంతో నిండి ఉంటుందని మలైకా అరోరా అంటున్నారు. ఆయన్ను హత్తుకుని ఉన్న ఫొటోను షేర్‌ చేశారు. వీరిద్దరు గత కొన్నేళ్లుగా ప్రేమలో ఉన్న సంగతి తెలిసిందే.

* విజయ్‌ దేవరకొండ హైదరాబాద్‌ వాతావరణాన్ని ఆస్వాదిస్తున్నారు. ‘హైదరాబాద్‌ లవ్‌’ అంటూ ప్రశాంతంగా కూర్చుని కాఫీ తాగుతున్న వీడియోను ఇన్‌స్టాగ్రామ్‌ స్టోరీస్‌లో షేర్‌ చేశారు.