హైదరాబాద్‌: డైరెక్టర్‌ అనిల్ ‌రావిపూడి తెరకెక్కించే సినిమాల్లో పంచ్‌ టైమింగ్‌ అద్భుతంగా ఉంటుంది. దానికి కారణం ఆ సీన్‌ ఎలా రావాలో అనిల్‌ రావిపూడి ముందుగానే నటించి చూపిస్తారు కాబోలు. ఎందుకంటే ఆయనలో మంచి నటుడు కూడా ఉన్నారు. తాజాగా ఆయన స్క్రీన్‌ప్లే, సంభాషణలు, అందించిన ‘గాలి సంపత్‌’ సినిమాలో ‘పాప ఓ పాప..’సాంగ్‌ను నటుడు విజయ్‌ దేవరకొండ చేతుల మీదుగా శుక్రవారం విడుదల చేయనున్నారు. ఇందులో భాగంగా రేడియో మిర్చి కిరణ్‌, జెమిని సురేష్‌లతో కలిసి ఒక చిన్న వీడియో చేశారు. అందులో ఈ సాంగ్‌ ప్రీ ప్రమోషన్‌ ఎలా చెయ్యాలనే దానిపై చర్చించారు.  ఆడియో ఫంక్షన్స్‌లో ఇచ్చే ఏవీ మాదిరిగా జెమిని సురేష్‌ వీర లెవెల్లో వాయిస్‌ ఓవర్‌ చెప్తుంటే.. అనిల్‌ రావిపూడి కల్పించుకుని ‘వద్దులేమ్మా.. ఇది సెట్‌ అయ్యేలా కనిపించట్లేదు.. పాత పద్ధతిలోనే చేసేద్దాం’ అంటూ కౌంటర్‌ వేస్తారు. ఆ సరదా వీడియోను మీరు చూసేయండి!