డిపాజిట్లపై బీమా.. ఇక రూ. 5లక్షలు
close
Updated : 01/02/2020 13:52 IST
Facebook Share Twitter Share WhatsApp Share Telegram Share Link Share

డిపాజిట్లపై బీమా.. ఇక రూ. 5లక్షలు

 

దిల్లీ: రూపాయి రూపాయి పొదుపు చేసి బ్యాంకుల్లో దాచుకునే సొమ్ముకు మరింత భద్రత కల్పిస్తూ మధ్యతరగతి ప్రజలకు శుభవార్త ప్రకటించారు కేంద్ర ఆర్థిక మంత్రి నిర్మలా సీతారామన్‌. బ్యాంకు డిపాజిట్లపై బీమా కవరేజీని రూ. 5లక్షల వరకు పెంచుతున్నట్లు వెల్లడించారు. అన్ని బ్యాంకుల్లో డిపాజిట్లు సురక్షితంగా ఉన్నాయని, ప్రజలు ఈ విషయంపై కంగారు పడాల్సిన అవసరం లేదని భరోసా ఇచ్చారు. దీంతో పాటు ప్రముఖ బీమా సంస్థ ఎల్‌ఐసీని స్టాక్‌ ఎక్స్ఛేంజీల్లో లిస్ట్‌ చేయనున్నట్లు తెలిపారు. 

డీఐసీజీసీ చట్టం 1961లోని సెక్షన్‌ 16(1) నిబంధనల ప్రకారం.. బ్యాంకులు విఫలమైనప్పుడు, నష్టాల్లో కూరుకున్నప్పుడు ఖాతాదారుల డిపాజిట్లపై బీమా కవరేజీ ఇస్తారు. ఆర్‌బీఐ అనుబంధ సంస్థ డిపాజిట్‌ ఇన్సూరెన్స్‌ అండ్‌ క్రెడిట్‌ గ్యారెంటీ కార్పొరేషన్‌(డీఐసీజీసీ) ఈ బీమా అందిస్తుంది. ఖాతాదారుల నుంచి ఎటువంటి ప్రీమియం వసూలు చేయకుండానే బ్యాంకులు చెల్లించే ప్రీమియంతో డిపాజిటర్లకు నిర్దేశించిన గరిష్ఠ మొత్తం వరకూ బీమా భద్రత కల్పిస్తోంది. 

పొదుపు, ఫిక్స్‌డ్‌, కరెంట్‌ ఖాతాలు, రికరింగ్‌ డిపాజిట్లపై ఈ బీమా వర్తిస్తుంది. ప్రస్తుతం ఖాతాదారుల డిపాజిట్లపై రూ. లక్ష వరకు బీమా సదుపాయం ఉంది. దీన్ని పెంచాలని అన్ని వర్గాల నుంచి డిమాండ్లు వస్తున్న నేపథ్యంలో బీమా కవరేజీని రూ. 5లక్షల వరకు పెంచుతూ నేడు బడ్జెట్‌లో కీలక ప్రకటన చేశారు. పీఎంసీ బ్యాంక్‌ సంక్షోభం నేపథ్యంలో ఈ బీమా భద్రత అంశం ప్రాముఖ్యంగా మారిన విషయం తెలిసిందే. 


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని