close
Published : 24/02/2021 02:03 IST
Facebook Share Twitter Share WhatsApp Share Telegram Share
‘క్షణ క్షణం’ ఉత్కంఠభరితం

ఉదయ్‌ శంకర్‌ హీరోగా కార్తిక్‌ మేడికొండ దర్శకత్వంలో తెరకెక్కిన చిత్రం ‘క్షణ క్షణం’. డా.వర్లు, మన్నం చంద్రమౌళి నిర్మిస్తున్నారు. జియా శర్మ కథానాయిక. ఈనెల 26న  విడుదలవుతోంది. రోషన్‌ సాలూర్‌ బాణీలందించారు. ఈ నేపథ్యంలోనే మంగళవారం హైదరాబాద్‌లో విడుదల ముందస్తు వేడుక నిర్వహించారు. ఈ సందర్భంగా ముఖ్య అతిథి అల్లు అరవింద్‌ మాట్లాడుతూ.. ‘‘నేనీ రోజు ఇక్కడ ఉన్నానంటే దానికి కారణం శ్రీరామ్‌ సర్‌. కొంతమంది వ్యక్తుల్ని కలిస్తే ఎలాంటి గొప్ప అనుభూతి కలుగుతుందో.. ఆయన్ని కలిసినప్పుడు తొలిసారి నాకు అలాంటి అనుభూతే కలిగింది. వారి అబ్బాయి ఉదయ్‌ నటుడిగా చిత్రసీమలోకి రావడం సంతోషంగా ఉంది. ఈ చిత్రం చూశా. చాలా థ్రిల్లింగ్‌గా అనిపించింద’’ న్నారు. ‘‘నా దృష్టిలో గెలుపు.. ఓటమికి అసలు అర్థాలే లేవు. ఇక్కడ యుద్ధం మాత్రమే ఉంటుంది. ఆ యుద్ధానికి సిద్ధపడటమే అసలైన గెలుపు. ఉదయ్‌ ఆ గెలుపుని ఎప్పుడో అందుకున్నాడు. కార్తిక్‌ ఎంతో చక్కగా తెరకెక్కించారు. జియా శర్మ అచ్చ తెలుగమ్మాయిలాగే కనిపిస్తోంది. మెలోడీ.. బీట్‌ని కలపడంలో సిద్ధహస్తుడు కోటి. ఆ తండ్రిలోని లక్షణాలన్నింటినీ రోషన్‌ పుణికి పుచ్చుకున్నాడు. నిర్మాత డా.వర్లుని చూస్తుంటే ఓ ఆత్మీయ మిత్రుడ్ని చూస్తున్నట్లుంద’’న్నారు విశిష్ట అతిథి రచయిత సిరివెన్నెల సీతారామశాస్త్రి. హీరో ఉదయ్‌ శంకర్‌ మాట్లాడుతూ.. ‘‘నాకిది మూడో చిత్రం. నిజానికి నేను మరో సినిమా చేయాల్సింది. ఆ చిత్రం కోసం దర్శకుడ్ని వెతుకుతున్న సమయంలో కార్తిక్‌ తగిలారు. అదే సమయంలో తను నాకొక కథ చెప్పాడు. అలా ఈ సినిమా పట్టాలెక్కింది. నటనకు మంచి ప్రాధాన్యమున్న చిత్రమిది. ఈ చిత్రం గీతా ఆర్ట్స్‌ ద్వారా విడుదల చేస్తున్నందుకు అల్లు అరవింద్‌ సర్‌కి థ్యాంక్స్‌’’ అన్నారు. ‘‘సినిమాల పట్ల ఉదయ్‌కి ఉన్న అభిరుచి చూసి.. ఆయన తండ్రి శ్రీరామ్‌ సర్‌పై ఉన్న గౌరవంతో  నేనీ చిత్రానికి నిర్మాతగా మారా. దీంట్లో ఉన్న సస్పెన్స్‌ ఎవరూ ఊహించర’’న్నారు నిర్మాత డా.వర్లు. ఈ కార్యక్రమంలో బీవీఎస్‌ రవి, రామరాజు, బాలాజీ, నిరంజన్‌, మాధవ్‌, రఘు కుంచె, ఆకెళ్ల రాఘవేంద్రరావు, గోవింద్‌, సిద్ధార్థ్‌, ధర్మతేజ పాల్గొన్నారు.


Tags :

మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని