కీర్తి సురేష్‌ ప్రధాన పాత్రలో నటించిన క్రీడా నేపథ్య చిత్రం‘గుడ్‌లక్‌ సఖీ’. నగేష్‌ కుకునూర్‌ దర్శకుడు. సుధీర్‌ చంద్ర నిర్మాత. ఆది పినిశెట్టి, జగపతిబాబు ముఖ్య పాత్రలు పోషించారు. ఇప్పటికే చిత్రీకరణ పూర్తయింది. జూన్‌ 3న విడుదల చేయబోతున్నారు. ఈ విషయాన్ని చిత్ర బృందం సోమవారం అధికారికంగా ప్రకటించింది. ‘‘షూటింగ్‌ క్రీడ చుట్టూ అల్లుకున్న కథాంశంతో రూపొందుతోన్న చిత్రమిది. పూర్తి గ్రామీణ నేపథ్యంగా సాగుతుంది’’ అని చిత్ర బృందం తెలిపింది. ఈ సినిమా తెలుగుతో పాటు తమిళ, మలయాళ భాషల్లోనూ ఒకేసారి విడుదల కాబోతుంది. ఈ చిత్రానికి సంగీతం: దేవిశ్రీ ప్రసాద్‌, సమర్పణ: దిల్‌రాజు.