మహేష్‌బాబు కథానాయకుడిగా నటిస్తున్న చిత్రం ‘సర్కారు వారి పాట’. కీర్తిసురేష్‌ కథానాయిక. పరశురామ్‌ దర్శకత్వం వహిస్తున్నారు. మైత్రీ మూవీ మేకర్స్‌, జీఎమ్‌బీ ఎంటర్‌టైన్మెంట్స్‌, 14 రీల్స్‌ ప్లస్‌ సంస్థలు సంయుక్తంగా నిర్మిస్తున్నాయి. వచ్చే యేడాది సంక్రాంతికి ప్రేక్షకుల ముందుకు రానున్న ఈ సినిమా చిత్రీకరణ దుబాయ్‌లో మొదలైంది. అక్కడ కొన్ని యాక్షన్‌ ఘట్టాలతోపాటు, పలు సన్నివేశాల్ని తెరకెక్కించారు. ఇటీవలే తిరిగొచ్చిన ఈ చిత్రబృందం మరో షెడ్యూల్‌ కోసం ఈ నెలలోనే దుబాయ్‌ వెళ్లనున్నట్టు తెలిసింది. అనంతరం గోవాలోనూ ఓ షెడ్యూల్‌ చిత్రీకరణ జరపనున్నట్టు సమాచారం. వెన్నెల కిషోర్‌, సుబ్బరాజు నటిస్తున్న ఈ చిత్రానికి సంగీతం: తమన్‌, ఛాయాగ్రహణం: మధి, కళ: ఎ.ఎస్‌.ప్రకాశ్‌, కూర్పు: మార్తాండ్‌ కె.వెంకటేష్‌.