సినీప్రియులతో సీటీ కొట్టించేందుకు ‘సీటీమార్‌’ చిత్రంతో సిద్ధమయ్యారు హీరో గోపీచంద్‌. సంపత్‌ నంది తెరకెక్కిస్తున్న చిత్రమిది. శ్రీనివాస చిట్టూరి నిర్మాత. తమన్నా కథానాయిక. మణిశర్మ స్వరాలందించారు. కబడ్డీ ఆట నేపథ్యంగా అల్లుకున్న ఓ ఆసక్తికర కథాంశంతో ఈ చిత్రం రూపొందించారు. ఏప్రిల్‌ 2న విడుదలవుతోంది. ఈ నేపథ్యంలోనే బుధవారం ‘‘సీటీమార్‌..’’ అనే టైటిల్‌ గీతాన్ని విడుదల చేశారు. ‘‘గెలుపు సూరీడు చుట్టు తిరిగేటి.. పొద్దుతిరుగుడు పువ్వా’’ అంటూ స్ఫూర్తిని రగిలించేలా సాగుతున్న ఈ పాటకి కాసర్ల శ్యామ్‌ సాహిత్యమందించగా.. అనురాగ్‌ కులకర్ణి, రేవంత్‌ వరం ఆకట్టుకునేలా ఆలపించారు.