close
Published : 06/03/2021 01:01 IST
Facebook Share Twitter Share WhatsApp Share Telegram Share

మజ్ను సెట్లోకి రష్మిక

దక్షిణాదిలో టాప్‌ రేసులో దూసుకుపోతున్న కథానాయిక రష్మిక. ఈ భామ బాలీవుడ్‌లో అడుగుపెట్టిన విషయం తెలిసిందే. ఆమె హిందీలో నటిస్తున్న తొలి చిత్రం ‘మిషన్‌ మజ్ను’. సిద్ధార్థ్‌ మల్హోత్ర కథానాయకుడిగా శంతను బగ్చీ తెరకెక్కిస్తున్నారు. గత నెల్లోనే ఈ సినిమా చిత్రీకరణ మొదలైంది. లఖ్‌నవూలో ఈ సినిమా సెట్లోకి శుక్రవారం నుంచి రష్మిక అడుగుపెట్టింది. ఈ విషయాన్ని ఆమె ట్విటర్‌ ద్వారా పంచుకుంటూ క్లాప్‌ బోర్డు పట్టుకున్న వీడియోను పంచుకుంది. ‘‘ఈ సినిమా షూటింగులో పాల్గొనడం కంగారుగా, ఆత్రుతగా, ఆనందంగా ఉంది. తొలిసారి సెట్లో అడుగుపెట్టే ఏ నటికైనా కలిగే అనుభూతే నాకు కలిగింది. బాలీవుడ్‌లో ఇదే నా తొలి చిత్రం కదా. ఈ కథ నాకు బాగా నచ్చింది. ఈ చిత్రబృందంతో నా ప్రయాణం చాలా బాగుంటుందని ఆశిస్తున్నాను’’అంటోంది రష్మిక. ఆమె తెలుగులో ‘పుష్ప’, ‘ఆడాళ్లు మీకు జోహార్లు’ చిత్రాల్లో నటిస్తోంది. ‘సుల్తాన్‌’తో తమిళంలోనూ ఎంట్రీ ఇస్తోంది. ఈ చిత్రం విడుదలకు సిద్ధమైంది.


Tags :

మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని