మెగాస్టార్‌తో మోహన్‌బాబు ఢీ..!
close
Published : 03/02/2020 20:41 IST
Facebook Share Twitter Share WhatsApp Share Telegram Share Link Share

మెగాస్టార్‌తో మోహన్‌బాబు ఢీ..!

హైదరాబాద్‌: కథానాయకుడికి పోటాపోటీగా ప్రతినాయకుడి పాత్ర ఉన్నప్పుడే ఆ సినిమా రసవత్తరంగా సాగుతుంది. ప్రతినాయకుడితో హాస్యం పండించిన సినిమాలు విజయంవంతమైన దాఖలాలు తక్కువే. అందుకే దర్శకులు తమ సినిమాల్లో విలన్లకు వీలైనంత ఎక్కువ ప్రాధాన్యత కల్పించేందుకు ప్రయత్నిస్తుంటారు. తమ హీరోలకు సరితూగే వారు దొరక్కపోతే పెద్ద మొత్తంలో చెల్లించైనా సరే వేరే హీరోలను తమ సినిమాలో విలన్లుగా చూపిస్తుంటారు. ఈ నేపథ్యంలో.. భారీ అంచనాలతో తెరకెక్కుతున్న మెగాస్టార్‌ చిరంజీవి ‘చిరు 152’ సినిమాలో టాలీవుడ్‌కు చెందిన ఓ స్టార్‌ హీరో విలన్‌గా కనిపించనున్నట్లు వార్తలు వినిపిస్తున్నాయి.

‘సైరా నరసింహారెడ్డి’తో మంచి విజయం సాధించిన మెగాస్టార్‌ ఈ చిత్రంతో మరోసారి అభిమానుల ముందుకు రానున్నారు. కొరటాల శివ దర్శకత్వం వహిస్తున్న ఈ సినిమాలో కలెక్షన్‌ కింగ్‌ మోహన్‌బాబు పవర్‌ఫుల్‌ విలన్‌గా కనిపించనున్నట్లు వార్తలు చక్కర్లు కొడుతున్నాయి. మెగాస్టార్‌ను ఢీకొట్టాలంటే మరో స్టార్‌ హీరో అయితేనే బాగుంటుందన్న ఆలోచనతో మోహన్‌బాబును చూపించనున్నట్లు సమాచారం. ఇటీవల ‘మా’ విషయంలో మెగాస్టార్‌కు రాజశేఖర్‌కు జరిగిన గొడవలో చిరుకు మోహన్‌బాబు మద్దతిచ్చిన విషయం తెలిసిందే. దీంతో ఈ సినిమాలో మోహన్‌బాబు పాత్రపై బలం చేకూరుతోంది. మరి ఈ వార్తలో ఎంత వరకు నిజం ఉందో తెలుసుకోవాలంటే చిత్ర బృందం నుంచి అధికారిక ప్రకటన వచ్చే వరకూ వేచి చూడాల్సిందే. చిరు సరసన త్రిష కనిపించనున్న విషయం తెలిసిందే. ఈ సినిమా చిత్రీకరణ శరవేగంగా సాగుతోంది.



మరిన్ని

కొత్త సినిమాలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని