అనుమతులిస్తే.. అనుకున్న రోజే ‘కేజీఎఫ్ ‌2’!
close
Published : 14/05/2020 21:28 IST
Facebook Share Twitter Share WhatsApp Share Telegram Share Link Share

అనుమతులిస్తే.. అనుకున్న రోజే ‘కేజీఎఫ్ ‌2’!

సినిమా విడుదలపై స్పందించిన నిర్మాత

బెంగళూరు: ప్రపంచవ్యాప్తంగా బాక్సాఫీస్‌ వద్ద మంచి వసూళ్లను రాబట్టిన కన్నడ చిత్రం ‘కేజీఎఫ్‌’. ప్రశాంత్‌ నీల్‌ దర్శకత్వంలో యశ్‌ కథానాయకుడిగా తెరకెక్కిన ఈ చిత్రానికి ప్రస్తుతం స్వీకెల్‌గా ‘కేజీఎఫ్‌ ఛాప్టర్‌2’ రానున్న విషయం తెలిసిందే. కరోనా వైరస్‌ విజృంభిస్తోన్న నేపథ్యంలో దేశవ్యాప్తంగా లాక్‌డౌన్‌ విధించడంతో పలు చిత్రాల షూటింగ్స్‌ నిలిచిపోయాయి. దీంతో ఆయా సినిమా విడుదల తేదీల్లో మార్పులు జరగవచ్చు అనే ప్రచారం కూడా సాగుతోంది. ఇదిలా ఉండగా.. ‘కేజీఎఫ్‌-2’ చిత్రాన్ని అక్టోబర్‌లో ప్రేక్షకుల ముందుకు తీసుకురానున్నట్లు చిత్రబృందం మొదట్లో  ప్రకటించింది. అయితే ప్రస్తుతానికి ఆ సినిమా షూటింగ్‌ నిలిచిపోవడంతో.. రిలీజ్‌లో కూడా మార్పులు ఉండవచ్చు అని సోషల్‌మీడియాలో పలు వార్తలు చక్కర్లు కొడుతున్నాయి. ఈనేపథ్యంలో సినిమా విడుదల విషయంలో వస్తున్న వార్తలపై చిత్ర నిర్మాత కార్తీక్‌ గౌడ స్పందించారు. జులైలో షూటింగ్స్‌కు అనుమతి ఇస్తే ముందు ప్రకటించిన రోజునే ‘కేజీఎఫ్‌-2’ చిత్రాన్ని విడుదల చేస్తామని ఆయన తెలిపారు. అంతేకాకుండా రెండు ఫైట్‌ సీన్లు మినహాయించి చాలా వరకూ సినిమా షూటింగ్‌ కూడా పూర్తి అయ్యిందని ఆయన వెల్లడించారు.

‘లాక్‌డౌన్‌ లేకుంటే ఇప్పటికే ‘కేజీఎఫ్‌ 2’ సినిమా షూటింగ్‌ పూర్తయ్యేది. కేవలం 20 రోజుల షూటింగ్‌ మాత్రమే మిగిలి ఉంది. ప్రభుత్వం నుంచి అనుమతులు పొందిన తర్వాత మేము పోస్ట్‌ ప్రొడక్షన్‌ పనుల్లో నిమగ్నమయ్యాం. ఒకవేళ జులైలో కనుక షూటింగ్స్‌కు అనుమతి ఇస్తే.. అనుకున్న రోజుకే కేజీఎఫ్‌ 2 చిత్రాన్ని విడుదల చేస్తాం.’ అని ఆయన వివరించారు.



మరిన్ని


గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని