కాబోయే సతీమణితో రానా.. ఫొటోలు వైరల్‌..!
close
Updated : 21/05/2020 14:26 IST
Facebook Share Twitter Share WhatsApp Share Telegram Share Link Share

కాబోయే సతీమణితో రానా.. ఫొటోలు వైరల్‌..!

హైదరాబాద్‌: నటుడు రానా, తనకు కాబోయే సతీమణి మిహికా బజాజ్‌తో దిగిన ఫొటోలను ట్విటర్‌ వేదికగా అభిమానులతో పంచుకున్నారు. ‘ఇప్పుడు ఇక అధికారికం’ అని పేర్కొన్నారు. దీంతో రానా షేర్‌ చేసిన ఫొటోలపై అభిమానులు, పలువురు సినీ ప్రముఖులు స్పందించారు. వరుణ్‌ తేజ్‌, శివ కార్తికేయన్‌, సైనా నెహ్వాల్‌, అనసూయ.. ఈ జంటకు శుభాకాంక్షలు తెలిపారు. ‘చూడముచ్చటైన జంట. మీ జీవితం మరెంతో సంతోషంగా ఉండాలి’ అని పేర్కొంటూ ట్వీట్లు పెట్టారు. ప్రస్తుతం ఈ ఫొటోలు నెట్టింట్లో వైరల్‌గా మారాయి. మే నెల ఆరంభంలో తాను మిహికాతో ప్రేమలో ఉన్నానని ప్రకటించి రానా అందర్నీ షాక్‌కు గురి చేసిన విషయం తెలిసిందే. ‘తను నాకు అంగీకారం తెలిపింది (లవ్‌ సింబల్‌ ఎమోజీ)’ అని తెలియజేస్తూ రానా మొదటిసారి తన ప్రేయసి మిహికాను సోషల్‌మీడియా వేదికగా అందరికీ పరిచయం చేశారు.

కాగా, ఇరు కుటుంబాల పెద్దలు బుధవారం హైదరాబాద్‌లో కలుసుకున్నారు. రానా-మిహికాల నిశ్చితార్థం, పెళ్లి పనుల గురించి చర్చించుకున్నాయి. అయితే ఈ ఏడాదిలో వీరి వివాహం జరగనుందని ఇటీవల సురేశ్‌బాబు సైతం ప్రకటించిన విషయం తెలిసిందే. ఈ నేపథ్యంలో తాజాగా ఇరు కుటుంబాల పెద్దలు కలవడంతో వీరి పెళ్లి పనులు త్వరలో ప్రారంభం కానున్నాయని తెలుస్తోంది.

ఇవీ చదవండి...


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని