మర్యాదపూర్వకంగా కూడా చెప్పరా..!
close
Published : 17/01/2020 00:21 IST
Facebook Share Twitter Share WhatsApp Share Telegram Share Link Share

మర్యాదపూర్వకంగా కూడా చెప్పరా..!

సీఎం పినరయి విజయన్‌ ప్రభుత్వంపై ఆగ్రహించిన గవర్నర్‌

కొచ్చి: పౌరసత్వ చట్టాన్ని సవాల్‌ చేస్తూ కేరళ ముఖ్యమంత్రి పినరయి విజయన్‌ ప్రభుత్వం పిటిషన్‌ వేసిన విషయం తనకు వార్తాపత్రికల్లో ప్రచురితమయ్యాక తెలిసిందని ఆ రాష్ట్ర గవర్నర్‌ ఆరిఫ్‌ మొహ్మద్‌ ఖాన్‌ తీవ్ర ఆగ్రహం వ్యక్తం చేశారు. పిటిషన్‌ వేసే ముందు కనీసం గవర్నర్‌కు మర్యాద పూర్వకంగానైనా తెలియజేయాల్సివుందని ఆయన హితవు పలికారు. సీఏఏపై కేరళ ప్రభుత్వం వేసిన పిటిషన్‌ గురించి మీడియా ప్రతినిధులు ఆయన్ను ప్రశ్నించగా ఈ విధంగా స్పందించారు. 

‘కేరళ ప్రభుత్వం పిటిషన్‌ వేయడాన్ని నేను తప్పుబట్టడం లేదు. వాళ్లకు సుప్రీంకోర్టుకు వెళ్లే హక్కు ఉంది. కానీ గవర్నరైన నా దగ్గర ముందస్తు అనుమతి తీసుకోలేదు. కనీసం మర్యాదపూర్వకంగా కూడా నాకు తెలియజేయలేదు’ అని ఆయన అసంతృప్తి వ్యక్తం చేశారు. గవర్నర్‌ అనుమతి లేకుండా రాష్ట్ర ప్రభుత్వం సుప్రీంకోర్టులో పిటిషన్‌ వేయొచ్చా లేదా అనే విషయాన్ని పరిశీలిస్తాననని ఆయన తెలిపారు. ‘రాష్ట్రానికి గవర్నర్‌గా ఉన్న నేను సీఏఏపై కేరళ ప్రభుత్వం పిటిషన్‌ వేసిన విషయాన్ని వార్తాపత్రికల్లో వచ్చిన న్యూస్‌ ద్వారా తెలుసుకున్నాను’ అని ఆయన ఒకింత అసహనం వ్యక్తం చేశారు. 

 



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని