Corona: ‘కొవిరక్ష’తో కరోనాకు దూరం
close
Updated : 16/06/2021 07:03 IST
Facebook Share Twitter Share WhatsApp Share Telegram Share Link Share

Corona: ‘కొవిరక్ష’తో కరోనాకు దూరం

ఆయుర్వేద తైలాన్ని ఆవిష్కరించిన బెంగళూరు అంకుర సంస్థ

ఈనాడు డిజిటల్‌, బెంగళూరు: కరోనా సోకకుండా నివారించటంతో పాటు చికిత్సలోనూ ఉపకరించే ఆయుర్వేద ఉత్పత్తి ‘కొవిరక్ష’ను భారతీయ విజ్ఞాన సంస్థ (ఐఐఎస్‌సీ) అంకుర సంస్థ నూతన్‌ ల్యాబ్స్‌ మంగళవారం బెంగళూరులో ఆవిష్కరించింది. కర్ణాటక ఆయుష్‌ శాఖ అనుమతి పొందిన ఈ ఆయుర్వేద తైలాన్ని రజత భస్మం (సిల్వర్‌ కొలాయిడల్‌)తో పాటు పలు వనమూలికలతో తయారు చేసినట్లు ఈ సంస్థ ప్రకటించింది. సెంటర్‌ ఫర్‌ నానో సైన్స్‌ ఇంజినీరింగ్‌ (సీఎన్‌ఎస్‌ఈ), టెక్నాలజీ బిజినెస్‌ ఇంక్యుబేషన్‌ (టీబీఐ) సాంకేతిక సహకారంతో ఈ తైలాన్ని తయారు చేసినట్లు సంస్థ ప్రధాన పరిశోధకుడు హెచ్‌.ఎస్‌.నూతన్‌ తెలిపారు. ఈ తైలానికి గత వారం ఆయుష్‌ శాఖ అనుమతి ఇచ్చిందని చెప్పారు. ‘ముఖంతో పాటు చేతులకు ఈ తైలాన్ని రుద్దితే మూడు గంటలు ప్రభావం ఉంటుంది’ అని సంస్థ ప్రకటించింది. ఐఐఎస్‌సీ ఎలక్ట్రానిక్స్‌ సిస్టమ్స్‌ ఇంజినీరింగ్‌ ఆచార్యులు డాక్టర్‌ కిరుబా డేనియల్‌, నూతన్‌ ల్యాబ్స్‌ మేనేజ్‌మెంట్‌ కన్సల్టెంట్‌ వేణు శర్మ ఈ ఉత్పత్తిని ఆవిష్కరించారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని