Virus Mutations: మానవ శరీరంలోనే వైరస్‌ మార్పులు 
close
Published : 01/08/2021 11:34 IST
Facebook Share Twitter Share WhatsApp Share Telegram Share Link Share

Virus Mutations: మానవ శరీరంలోనే వైరస్‌ మార్పులు 

కొత్త వేరియంట్లకు బీజాలు 

దిల్లీ: బాధితుడి శరీరంలోకి ప్రవేశించాక కరోనా వైరస్‌ జన్యుక్రమంలో జరిగే మార్పులు.. కొత్త వేరియంట్లలోనూ ప్రతిబింబిస్తున్నాయని భారత శాస్త్రవేత్తలు తేల్చారు. ఉద్ధృతంగా వ్యాపించే కరోనా వైరస్‌ రకాల వ్యాప్తి, సాంక్రమిక శక్తిపై ముందస్తు అంచనాలు వేయడానికి ఈ పరిశోధన వీలు కల్పిస్తుందని పేర్కొన్నారు. అలాగే బాధితుడి శరీరంలో ఉన్నప్పుడు వైరస్‌లో జరిగే మార్పులను పరిశీలించడం ద్వారా.. దాని మనుగడకు కీలకంగా మారే/ అవరోధంగా తయారయ్యే భాగాలను గుర్తించడానికి వీలవుతుందన్నారు. ఈ పరిశోధనలో హైదరాబాద్‌లోని సీసీఎంబీ శాస్త్రవేత్తలు కూడా పాల్గొన్నారు. ఉత్పరివర్తన అనేది వైరస్‌ జీవనచక్రంలో చాలా సాధారణ ప్రక్రియ. మానవ కణంలోపల వైరస్‌ తన ప్రతిరూపాలను సృష్టించుకుంటుంది. ఈ క్రమంలో కొత్త వైరస్‌ ప్రతిరూపాల్లోని న్యూక్లియోటైడ్లలో స్వల్ప మార్పులు తలెత్తుతుంటాయని శాస్త్రవేత్తలు తెలిపారు. అదే వ్యక్తిలో ఈ వైరస్‌ ప్రతిరూపాలు ఇతర కణాల్లోకి విస్తరించేకొద్దీ.. ఆ మార్పులు కూడా క్రమంగా సూక్ష్మజీవిలో పేరుకుపోయే అవకాశం ఉందని చెప్పారు. తద్వారా కొత్త వేరియంట్లు పుట్టుకొచ్చి, సమీపంలోని ఇతరులకూ వ్యాపిస్తున్నాయని తెలిపారు. మహమ్మారి సమయంలో రెండు విభిన్న సందర్భాల్లో దాదాపు మూడువేల మంది కొవిడ్‌-19 బాధితుల నుంచి సేకరించిన నమూనాలను విశ్లేషించిన శాస్త్రవేత్తలు ఈ మేరకు తేల్చారు. 



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని