Corona: వాటిని బట్టే కొవిడ్‌ తీవ్రత అంచనా
close
Updated : 05/07/2021 07:47 IST
Facebook Share Twitter Share WhatsApp Share Telegram Share Link Share

Corona: వాటిని బట్టే కొవిడ్‌ తీవ్రత అంచనా

వాషింగ్టన్‌: కొవిడ్‌ బారినపడి ఇంట్లోనే ఉండి చికిత్స తీసుకుంటున్నప్పుడు నిరంతరం మనసులో ఆందోళన తొలుస్తూనే ఉంటుంది. జబ్బు తగ్గుతోందా, ముదురుతోందా.. తెలుసుకోవటమెలా? ఆసుపత్రికి ఎప్పుడు వెళ్లాలి? ఇలాంటి సందేహాలు పుట్టుకొస్తూనే ఉంటాయి. అయితే శ్వాస త్వరత్వరగా తీసుకోవటం, ఆక్సిజన్‌ 91 శాతం కన్నా తక్కువకు పడిపోవటం అనే రెండు అంశాలు చాలా కీలకమని అమెరికా శాస్త్రవేత్తలు పేర్కొన్నారు. ఇవి ప్రాణాపాయ స్థితిని అంచనా వేయటానికి తోడ్పడే సూచికలన్నారు. వాషింగ్టన్‌ విశ్వవిద్యాలయానికి చెందిన నీల్‌ ఛటర్జీ నేతృత్వంలోని శాస్త్రవేత్తలు ఈ పరిశోధన చేశారు. కొవిడ్‌ తొలిదశలో ఆయాసమేమీ ఉండకపోవచ్చు. ఆక్సిజన్‌శాతం తగ్గిపోయినా లక్షణాలేవీ కనిపించకపోవచ్చు.  ఆయాసం, ఛాతీలో నొప్పి అనిపించటం వంటి తీవ్ర లక్షణాలేవీ లేకపోయినా శ్వాస వేగం పెరగటం, రక్తంలో ఆక్సిజన్‌ ప్రమాదకర స్థాయికి చేరుకునే అవకాశం ఉంటాయని నీల్‌ ఛటర్జీ తెలిపారు.  ‘‘అత్యవసరంగా ఆసుపత్రికి వస్తున్న చాలామందిలో ఆక్సిజన్‌ సగటున 91 శాతంగా ఉంటోంది. వీరిలో ఎంతోమందికి అప్పటికే ప్రాణరక్షణ చికిత్స ఆరంభించాల్సిన తరుణం మించిపోతోంది. కాబట్టి ఇంట్లో ఉండి కొవిడ్‌ చికిత్స తీసుకునేవారు.. ముఖ్యంగా ఊబకాయులు, అనారోగ్య సమస్య ఉన్నవారు ఆక్సిమీటరుతో ఆక్సిజన్‌ స్థాయిని పరీక్షించుకోవటం ముఖ్యం’’ అని నీల్‌ తెలిపారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని