Corona: స్మార్ట్‌ఫోన్‌ సాయంతో కొవిడ్‌ నిర్ధారణ
close
Updated : 19/06/2021 08:13 IST
Facebook Share Twitter Share WhatsApp Share Telegram Share Link Share

Corona: స్మార్ట్‌ఫోన్‌ సాయంతో కొవిడ్‌ నిర్ధారణ

టొరంటో: కొవిడ్‌-19 నిర్ధారణ పరీక్షను చాలా సులువుగా నిర్వహించడంతోపాటు బాధితుడి ఆరోగ్య పరిస్థితిని ఎప్పటికప్పుడు పరిశీలించేందుకు కెనడా శాస్త్రవేత్తలు ఒక విధానాన్ని కనుగొన్నారు. స్మార్ట్‌ ఫోన్‌ కెమెరా సాయంతో చేపట్టే ఈ పరీక్ష వల్ల కరోనా వైరస్‌ను వేగంగా గుర్తించొచ్చు. కరోనా నిర్ధారణ పరీక్షలో.. నమూనాలను సేకరించడం, వాటిని ల్యాబ్‌కు పంపడం, పరీక్ష నిర్వహించడం, ఫలితాన్ని తెలియజేయడం వంటి అనేక దశలు ఉంటాయి. ఫలితంగా దీనికి చాలా సమయం పడుతోంది. ఈ నేపథ్యంలో స్మార్ట్‌ఫోన్‌ ఆధారిత క్వాంటమ్‌ బార్‌కోడ్‌ సీరోలాజికల్‌ ఆసే సాధనాన్ని టొరంటో విశ్వవిద్యాలయ శాస్త్రవేత్తలు అభివృద్ధి చేశారు. ఇందుకోసం క్వాంటమ్‌ డాట్‌ బార్‌కోడ్‌తో కూడిన సూక్ష్మ పూసలను ప్రత్యేకంగా సిద్ధం చేశారు. అలాగే రోగి రక్తంలో కొవిడ్‌-19 యాంటిజెన్‌కు సంబంధించిన యాంటీబాడీలను గాలించేందుకు సెకండరీ లేబుల్‌ను రూపొందించారు. రక్త నమూనాలో యాంటీబాడీలు ఉంటే సూక్ష్మ పూస రంగు మారిపోతుంది. ఆ తర్వాత స్మార్ట్‌ఫోన్‌ కెమెరాతో ఈ పూసను క్లిక్‌మనిపించాలి. ఫోన్‌లోని ప్రత్యేక యాప్‌ ఈ ఫొటోను ప్రాసెస్‌ చేసి, పూసలో చోటుచేసుకున్న మార్పులను విశ్లేషిస్తుంది. అంతిమంగా ఈ డేటా సమగ్ర మదింపు జరిపి, ఆ వివరాలను తెలియజేస్తుంది. వాటిని వైద్య నిపుణులకూ పంపుతుంది. రక్త నమూనాలోని కీలక బయోమార్కర్లు స్వల్ప స్థాయిలో ఉన్నా ఇది గుర్తిస్తుందని పరిశోధకులు తెలిపారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని