Oxygen therapy: ఆక్సిజన్‌ అధికమైనా ప్రమాదమే
close
Updated : 30/05/2021 09:15 IST
Facebook Share Twitter Share WhatsApp Share Telegram Share Link Share

Oxygen therapy: ఆక్సిజన్‌ అధికమైనా ప్రమాదమే

93-94% ఉంటే థెరపీ నిలిపేయాలి
లేకుంటే కార్బన్‌ డై ఆక్సైడ్‌తో ముప్పు
కేంద్ర వైద్య ఆరోగ్య శాఖ సూచనలు

ఈనాడు, దిల్లీ: కరోనా రోగుల్లో సహజంగానే ఆక్సిజన్‌ స్థాయి 93-94% మేర ఉంటే వెంటనే ఆక్సిజన్‌ థెరఫీని నిలిపేయాలని కేంద్ర వైద్య ఆరోగ్యశాఖ సూచించింది. ఆక్సిజన్‌ వినియోగం అధికమైతే అది కార్బన్‌డై ఆక్సైడ్‌ స్థాయి పెంపునకు దారి తీస్తుందని తెలిపింది. దానివల్ల ఇబ్బందులు పెరిగే ప్రమాదం ఉందని హెచ్చరించింది. కరోనా రోగులకు ఆక్సిజన్‌ వినియోగించాల్సిన తీరును వివరిస్తూ శనివారం ప్రకటన విడుదల చేసింది.

ఇవీ జాగ్రత్తలు
* వైద్య సిబ్బంది సమక్షంలోనే ఆక్సిజన్‌ థెరపీ ఇవ్వాలి.
* అత్యవసర సమయాలు, వైద్య సేవల కోసమో, ఆంబులెన్స్‌ కోసమో ఎదురు చూస్తున్నప్పుడు తాత్కాలికంగా సొంతంగానే దీన్ని ఉపయోగించవచ్చు.
* ఒకసారి ఆక్సిజన్‌ స్థాయి పడిపోయినప్పుడు శరీరంలోకి కణాలకు ప్రాణవాయువు అందదు. దానివల్ల అవి సహజంగా పనిచేయలేవు.
* ఆ పరిస్థితి దీర్ఘకాలం కొనసాగితే అవయవాలు సరిగా పనిచేయవు. అది క్రమంగా మరణానికి దారితీస్తుంది.

కాన్సంట్రేటర్లు ఎప్పుడు పెట్టాలి?
* ఆక్సిజన్‌ కాన్సంట్రేటర్లను కేవలం మధ్యస్థాయి కొవిడ్‌ కేసుల్లోనే ఉపయోగించాలి.
* రోగిలో ఆక్సిజన్‌ స్థాయి పడిపోతున్నట్లు అనిపించినప్పుడు, నిమిషానికి గరిష్ఠంగా 5 లీటర్ల ఆక్సిజన్‌ అవసరమైనప్పుడు మాత్రమే వీటిని ఉపయోగించాలి.
* కొవిడ్‌ నుంచి కోలుకున్న అనంతరం ఇబ్బందులు ఎదుర్కొంటున్న రోగులకు ఆక్సిజన్‌ థెరపీ ఇవ్వడానికి కాన్సంట్రేటర్లు ఉపయోగపడతాయి.

93 శాతం కన్నా తగ్గితే ముప్పే
* ఆక్సిమీటర్‌లో 94%లోపు ఆక్సిజన్‌ స్థాయి చూపించినప్పుడు ఇంట్లోనే బోర్లాపడుకొని ఊపిరి తీసుకోవడం ప్రారంభించాలి.
* దానివల్ల రక్తంలో ఆక్సిజన్‌స్థాయి పెరుగుతుంది.
* ఆక్సిజన్‌ స్థాయి 93 శాతం, ఆలోపునకు పడిపోయినప్పుడు రోగికి త్వరగా వైద్యం అందించాలి.
* 90%కంటే తక్కువకు పడిపోయినప్పుడు అత్యవసర పరిస్థితి ఉన్నట్లు భావించాలి.

లక్షణాలు ఏమిటి?
* ఆక్సిజన్‌ తగ్గిపోతున్నప్పుడు ఊపిరి తీసుకోవడం కష్టంగా అనిపిస్తుంది.
* అయోమయంగా ఉంటుంది.
* నడవడం కష్టమవుతుంది.
* మొహం, పెదవులు నీలంగా మారుతాయి.
* అదే పెద్దల్లో అయితే ఛాతీనొప్పి వచ్చి, అలాగే కొనసాగుతుంది.
* పిల్లల్లో అయితే ఊపిరి తీసుకొనేటప్పుడు ముక్కు రంధ్రాలు ఎర్రబారుతాయి.
* ఊపిరి తీసుకొనేటప్పుడు శబ్దం వస్తుంది.
* మీ తాగలేరు, తినలేరు.

పరికరం లేకుండానే పరీక్షలు

రెస్పిరేటరీ రేట్‌ (నిమిషానికి శ్వాస తీసుకొవడం)ను ఎలాంటి పరికరం లేకుండానే ఎవరైనా పరీక్షించుకోవచ్చు. ఎవరైనా తమ అరచేయిని గుండెకు ఆనించుకొని ఒక నిమిషంలో ఎన్నిసార్లు శ్వాస తీసుకున్నామో చూసుకోవాలి. అది 24లోపు ఉంటే ఆక్సిజన్‌ స్థాయి సరిగా ఉన్నట్టు. నిమిషానికి 30 సార్లకు మించి ఊపిరి పీల్చుకున్నట్లయితే ఆక్సిజన్‌ స్థాయి తక్కువ ఉన్నట్టు లెక్క.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని