తమిళనాట నరమాంస భక్షకుల కలకలం
close
Published : 28/07/2021 05:07 IST
Facebook Share Twitter Share WhatsApp Share Telegram Share Link Share

తమిళనాట నరమాంస భక్షకుల కలకలం

  కుళ్లిన పుర్రెతో ఆలయ ఉత్సవాల్లో  సామియాదీల నృత్యం

  10 మందిపై కేసు నమోదు

ఈనాడు డిజిటల్‌, చెన్నై: తమిళనాడులో నరమాంస భక్షకులు కలకలం రేపారు. అందరి ముందు నరమాంసం తింటూ ఊగిపోయారు. పుర్రెను చేతిలో పట్టుకుని పాటలు పాడుతూ వికృతంగా నృత్యాలు చేశారు. తెన్కాశి జిల్లా పావూర్‌సత్రం సమీప కల్లూరణి గ్రామంలో ఇటీవల జరిగిన ఆలయ ఉత్సవాల్లో సామియాదీలు (ఆలయ పూజారులు. స్వామి ముందు ఆడతారు కాబట్టి స్వామి ఆడి.. అదే సామియాది అయ్యిందని స్థానికులు చెబుతున్నారు) కుళ్లిన పుర్రెతో నాట్యం చేశారు. ఈ దృశ్యాలు మాధ్యమాల్లో వైరల్‌గా మారాయి. పోలీసులు సామియాదీలు, ఆలయ కమిటీ సభ్యులు సహా 10 మందిపై ఏడు సెక్షన్ల కింద కేసు నమోదుచేశారు. కల్లూరణిలో శక్తిపోతి మాడస్వామి ఆలయం ఉంది. ఇక్కడ ఏటా తమిళ ఆషాఢమాసం మొదటి శుక్రవారం నుంచి ఉత్సవాలు నిర్వహిస్తారు. ఈ నెల 24న అవి ప్రారంభమయ్యాయి. మాడస్వామి ఎదుట నృత్యం చేసే ఈ పూజారులు... శ్మశానవాటికలోని మృతదేహం తలను నరికి, ఆలయానికి తీసుకొచ్చి ఉత్సవం పూర్తి చేస్తారని తెలిసింది. కుళ్లిన పుర్రె మనిషిదా? లేక నకిలీదా? అన్న విషయంపై దర్యాప్తు చేస్తున్నట్లు పోలీసులు తెలిపారు. 2019లోనూ కొందరు మనిషి పుర్రెను తీసుకొచ్చి ఇలాగే ప్రదర్శించారని, అప్పట్లోనూ దానిపై కేసు నమోదైందని చెప్పారు.


Tags :

మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని