ఓం ణమోకు కేంద్ర సాహిత్య అకాడమీ అనువాద అవార్డు
close
Published : 19/09/2021 04:15 IST
Facebook Share Twitter Share WhatsApp Share Telegram Share Link Share

ఓం ణమోకు కేంద్ర సాహిత్య అకాడమీ అనువాద అవార్డు

కన్నడ నవలను తెలుగులోకి అనువదించిన రంగనాథ రామచంద్రరావు

ఈనాడు, దిలీ, ఆదోని పట్టణం, న్యూస్‌టుడే: ఓం ణమో నవల ఉత్తమ తెలుగు అనువాదంగా కేంద్ర సాహిత్య అకాడమీ అవార్డు-2020కి ఎంపికైంది. కన్నడలో ఇదే పేరుతో శాంతినాథ దేశాయ్‌ రచించిన నవలను తెలుగులోకి రంగనాథ రామచంద్రరావు అనువదించారు. కర్నూలు జిల్లా ఆదోని పురపాలక పాఠశాలలో గణిత ఉపాధ్యాయుడిగా సేవలందించిన ఆయన ప్రస్తుతం హైదరాబాద్‌లో స్థిరపడ్డారు. ఆయన లోగడ.. నవలేఖన కన్నడ కథలు, సిగ్నల్‌ (ప్రపంచ భాషల ప్రసిద్ధ కథలు), బోరుబావులకు రీఛార్జ్‌, జోగిని మంజమ్మ ఆత్మకథ, ఓ నగరం కథ, కోకిల-గులాబి పేరుతో ఎన్నో పుస్తకాలను తెలుగులోకి అనువదించారు. ఆయన తన రచనలకు పలు పురస్కారాలు అందుకున్నారు. 3 సొంత కథాసంపుటాలు, 8 అనువాద నవలలు, 14 అనువాద కథా సంకలనాలు, 4 ఆత్మకథలు, ఒక జీవనచరిత్ర, 2సొంత నవలలు రాశారు. బాలల కోసం పది పుస్తకాలు రాశారు. ప్రొఫెసర్‌ జీఎస్‌ మోహన్‌, పాపినేని శివశంకర్‌, అమ్మంగి వేణుగోపాల్‌లతో కూడిన జ్యూరీ ‘ఓం ణమో’ను ఉత్తమ తెలుగు అనువాదంగా ఎంపిక చేసింది. ఈ ఏడాది మొత్తం 24 పుస్తకాలు అనువాద అవార్డులకు ఎంపికయ్యాయి.


Tags :

మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని