మా గడ్డాలకు ఖర్చైనంత ఎవరికీ ఖర్చుకాలేదు - gummadi venkateswara rao about his hairstyle
close
Published : 26/07/2021 16:29 IST
Facebook Share Twitter Share WhatsApp Share Telegram Share Link Share

మా గడ్డాలకు ఖర్చైనంత ఎవరికీ ఖర్చుకాలేదు

ఇంటర్నెట్‌డెస్క్‌: పౌరాణిక‌, జాన‌ప‌ద చిత్రాల్లో మునులు, రుషుల పాత్ర‌లు ఎక్కువ‌గా క‌నిపిస్తుంటాయి. ఈ పాత్ర‌ల‌కు త‌ప్ప‌కుండా గడ్డాలు మీసాలు ఉండాలి. అదే విధంగా రాక్ష‌సులు, మాంత్రికుడి వేషాలు వేసే వారు కూడా గంభీరంగా కనిపించడానికి గడ్డాలు, మీసాలు పెట్టుకోవ‌డం త‌ప్ప‌నిస‌రి. ఒక్క నార‌ద మునీంద్రుడి పాత్రే గడ్డం లేకుండా క్లీన్ షేవ్‌తో ఉండేది. ఇలాంటి పాత్ర‌లు వేసే వారికి ప్ర‌త్యేకంగా త‌యారు చేసిన విగ్గులు, గడ్డాలు, మీసాలు అతికించేవారు. పూర్తిగా గడ్డాలు, మీసాలూ ఉన్న పాత్ర‌లు తాను, సీనియ‌ర్ న‌టుడు నాగ‌య్య ఎక్కువ‌గా ధ‌రించిన‌ట్లు గుమ్మ‌డి వెంక‌టేశ్వ‌ర‌రావు చెప్పేవారు. రుషులు, మునుల పాత్ర‌లు వాళ్లే ఎక్కువ‌గా వేసేవారు. వ‌సిష్ఠుడు, భృగువు, వాల్మీకి, జ‌మ‌ద‌గ్ని, విశ్వామిత్రుడు లాంటివ‌న్నీ గడ్డాల పాత్ర‌లే. గె‌డ్డం, మీసం అత‌క‌డానికి మాక్స్‌ఫాక్ట‌ర్ వారి గ‌మ్ (బంక‌) ఉప‌యోగించేవారు.

అద‌యితే గ‌ట్టిగా నిల‌బ‌డుతుంద‌ని మేక‌ప్ విభాగం వాళ్లు భావించేవారు. ‘‘మాకు ఖ‌ర్చ‌యినంత గ‌మ్ ఇంకెవ‌ర‌కీ ఖ‌ర్చ‌యి ఉండ‌దు. ఎక్కువ మేమే ఉప‌యోగించాం క‌నుక మాక్స్‌ఫాస్ట‌ర్ వారు మాకు త‌గిన స‌న్మానం చేయాలి. ఈ విష‌యం కంపెనీవారికి రాశాను కూడా’’ అని గుమ్మ‌డి స‌ర‌దాగా చెప్పేవారు. జ‌గ్గ‌య్యకు గ‌డ్డం, మీసం పెట్టుకుంటే అల‌ర్జీ అట‌. అస‌లు అలాంటి పాత్రలు వేయ‌డానికి ఆయ‌నే ఒప్పుకొనేవారు కాదు. అతి క‌ష్టంమీద ‘రేణుకాదేవి మ‌హ‌త్మ్యం’(1960)లో కేఎస్ ప్ర‌కాశ‌రావు బ‌ల‌వంతం మీద ప‌రుశురాముడి పాత్ర ధ‌రించారు. ‘ప్రేమంచి చూడు’(1965)లో జ‌గ్గ‌య్య పాత్ర ఎక్కువ‌గా మారువేషంలో ఉంటుంది. అప్ప‌టికి గ‌మ్ ఉప‌యోగం బాగా త‌గ్గింది.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని