close
Published : 22/02/2021 18:21 IST
Facebook Share Twitter Share WhatsApp Share Telegram Share

యూట్యూబర్‌కు హీరో విశ్వక్‌సేన్‌ వార్నింగ్‌

ఇంటర్నెట్‌ డెస్క్‌: ఇబ్బందికరమైన శీర్షికతో వీడియో పోస్టు చేసిన ఓ యూట్యూబ్‌ ఛానల్‌పై యువ కథానాయకుడు విశ్వక్‌సేన్‌ తీవ్రంగా మండిపడ్డారు. వీడియోలు పెట్టేముందు మన ఇంట్లో కూడా ఆడవాళ్లు ఉన్నారన్న విషయం గుర్తుంచుకొని కొంచెం ఇంగితజ్ఞానంతో వ్యవహరించాలని అన్నాడు. ఆ వీడియో పెట్టిన వ్యక్తి 24గంటల్లో క్షమాపణలు చెబుతూ ఇంకో వీడియో పోస్టు చేయకపోతే మీ ఇంటికి వచ్చి వీడియో పెట్టిస్తానని గట్టిగా హెచ్చరించాడు. ఇంతకీ ఏం జరిగిందంటే..

నందితశ్వేత హీరోయిన్‌గా నటిస్తున్న ‘అక్షర’ చిత్రంలోని ఓ పాట విడుదల కార్యక్రమం ఇటీవల జరిగింది. దానికి విశ్వక్‌సేన్‌ ముఖ్య అతిథిగా హాజరయ్యారు. ఈ సందర్భంగా.. విశ్వక్‌ గురించి హీరోయిన్‌ నందిత మాట్లాడుతూ.. ఈ కార్యక్రమానికి విశ్వక్‌సేన్‌ రావడం సంతోషంగా ఉందని.. ఆయనకు కృతజ్ఞతలు చెప్పింది. అయితే.. ఆ వీడియోను ఓ యూట్యూబ్‌ ఛానల్‌లో ‘విశ్వక్‌.. నీకు ఏం కావాలన్నా సిగ్గులేకుండా అడుగు ఇచ్చేస్తా’ అని ఇబ్బందికరమైన థంబ్‌నైల్‌తో పోస్టు చేశారు. ఇది విశ్వక్‌సేన్‌ దృష్టికి వెళ్లడంతో ఆయన ఈ విషయంపై తీవ్రంగా అసహనం వ్యక్తం చేస్తూ మరో వీడియో పోస్టు చేశారు. కాగా.. యూట్యూబ్‌లో ఇలాంటివి సర్వసాధారణంగా మారిపోయాయంటూ చాలామంది విశ్వక్‌కు మద్దతుగా నిలుస్తున్నారు.

ఇవీ చదవండి


Tags :

మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని