గుండెపోటుతో టాలీవుడ్‌ హీరో మృతి

హైదరాబాద్‌: టాలీవుడ్‌లో ఒకప్పటి హీరో యాదా కృష్ణ(61) కన్నుమూశారు. బుధవారం ఉదయం గుండెపోటు రావడంతో ఆయన హైదరాబాద్‌లో తుదిశ్వాస విడిచారు. నటనతో పాటు ఆయన పలు సినిమాలకు నిర్మాతగానూ వ్యవహరించారు. 2010లో వచ్చిన ‘సంక్రాంతి అల్లుడు’ ఆయనకు చివరి సినిమా. వీవీవీ సత్యనారాయణ దర్శకత్వం వహించిన ఈ సినిమాలో నటి సునాక్షీ, రోషిని, ఏవీఎస్‌, జీవా, కొండ వలస కీలక పాత్రల్లో నటించారు. యాదా కృష్ణ 20కి పైగా తెలుగు సినిమాల్లో ఆయన హీరోగా నటించారు. వ్యక్తిగత కారణాల వల్ల కొంతకాలంగా సినిమాలకు దూరంగా ఉంటున్నారు. ‘గుప్త శాస్త్రం‘, ‘వయసు కోరిక’, ‘పిక్నిక్’ వంటి సినిమాల్లో ఆయన నటించారు. యాదా కృష్ణ మృతిపై పలువురు సినీ ప్రముఖులు సంతాపం వ్యక్తం చేస్తున్నారు.