India vs Srilanka: గబ్బర్‌ జట్టుపై భువీ సేనదే విజయం - intra-squad simulation manish surya score half-centuries as bhuvi xi beat dhawan xi in t20 game
close
Updated : 06/07/2021 11:13 IST
Facebook Share Twitter Share WhatsApp Share Telegram Share Link Share

India vs Srilanka: గబ్బర్‌ జట్టుపై భువీ సేనదే విజయం

అర్ధ శతకాలు బాదేసిన మనీశ్‌, సూర్యకుమార్‌

కొలంబో: శ్రీలంకతో పరిమిత ఓవర్ల క్రికెట్‌ సిరీసుకు టీమ్‌ఇండియా వేగంగా సిద్ధమవుతోంది. ఆటగాళ్లు ప్రతిరోజూ మైదానంలో కఠోరంగా సాధన చేస్తున్నారు. సోమవారం సాయంత్రం భారత జట్టు రెండుగా విడిపోయి సన్నాహక మ్యాచ్‌ ఆడింది. ధావన్‌ -XIతో భువనేశ్వర్‌-XI తలపడింది. ఉత్సాహభరితంగా సాగిన ఈ పోరులో భువీ సేనదే విజయం.

తొలుత బ్యాటింగ్‌ చేసిన ధావన్‌-XI 20 ఓవర్లలో 154 పరుగులు చేసింది. మనీశ్‌ పాండే 45 బంతుల్లో 63 పరుగులు చేశాడు. ఓపెనర్‌ రుతురాజ్‌ గైక్వాడ్‌ 30+ పరుగులతో ఫర్వాలేదనిపించాడు. ప్రత్యర్థి సారథి భువనేశ్వర్‌ 4 ఓవర్లు విసిరి 23 పరుగులిచ్చి 2 వికెట్లు తీయడం గమనార్హం. ఆ తర్వాత ఛేదనకు దిగిన భువీ సేన 17 ఓవర్లలోనే విజయం సాధించింది.  పృథ్వీ షా, దేవదత్‌ పడిక్కల్‌ 60 పరుగుల విలువైన ఓపెనింగ్‌ భాగస్వామ్యం అందించారు. ఆ తర్వాత సూర్యకుమార్‌ యాదవ్‌ తనదైన శైలిలో చెలరేగి అర్ధ శతకం బాదేశాడు.

తేమతో కూడిన వాతావరణంలో ఆటగాళ్లు తలపడిన విధానం బాగుందని బౌలింగ్‌ కోచ్‌ పరాస్‌ మహంబ్రే అన్నాడు. భువీ సేన త్వరగా లక్ష్యం ఛేదించడంతో లక్ష్యం సవరించామని తెలిపాడు. 4 ఓవర్లలో 40 పరుగుల లక్ష్యం నిర్దేశించామని వెల్లడించాడు. పరిస్థితులకు అనుగుణంగా ఫలితాలు రాబట్టేందుకు ఇలా చేశామని పేర్కొన్నాడు.





మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని