Kritishetty: అలాంటిదేదైనా ఉంటే నేనే చెబుతా - kriti shetty about her future projects
close
Published : 18/05/2021 22:01 IST
Facebook Share Twitter Share WhatsApp Share Telegram Share Link Share

Kritishetty: అలాంటిదేదైనా ఉంటే నేనే చెబుతా

రూమర్స్‌ నమ్మొద్దు అంటూ నటి పోస్ట్‌

హైదరాబాద్‌: ‘ఉప్పెన’తో బేబమ్మగా తెలుగువారిని అలరించిన ముద్దుగుమ్మ కృతిశెట్టి. మొదటి సినిమాతోనే యువతలో మంచి క్రేజ్‌ సొంతం చేసుకున్న ఈ భామ ప్రస్తుతం తెలుగులో వరుస ప్రాజెక్ట్‌లు చేస్తున్న విషయం తెలిసిందే. ఈ నేపథ్యంలో కృతిశెట్టి మరికొన్ని తెలుగు చిత్రాల్లో నటించే అవకాశం దక్కించుకుందంటూ ఇటీవల వరుస కథనాలు దర్శనమిచ్చాయి. అందులో బెల్లంకొండ గణేష్‌ చిత్రం  కూడా ఒకటి. అంతేకాకుండా ఆమె కొన్ని ప్రాజెక్ట్‌లు రిజెక్ట్‌ చేసినట్లు కూడా ప్రచారం సాగుతోంది.

కాగా, సదరు వార్తలపై నటి కృతిశెట్టి తాజాగా స్పందించారు. ప్రస్తుతానికి తాను కేవలం మూడు తెలుగు ప్రాజెక్ట్‌లు మాత్రమే చేస్తున్నట్లు వెల్లడించారు. ‘నా తదుపరి ప్రాజెక్ట్‌ల గురించి వస్తోన్న ఎన్నో పుకార్లు ఇటీవల నా దృష్టికి వచ్చాయి. ఇప్పటివరకూ నేను కేవలం మూడు ప్రాజెక్ట్‌లకు మాత్రమే సంతకం చేశాను. అందులో ఒకటి నాని, మరొకటి సుధీర్‌బాబు, మూడోది రామ్‌ సినిమా. ప్రస్తుతానికి ఈ ప్రాజెక్ట్‌లపైనే నా దృష్టి అంతా ఉంది. ఒకవేళ నేను ఏదైనా ప్రాజెక్ట్‌ని ఓకే చేస్తే తప్పకుండా మీకు సమాచారం ఇస్తాను. ఇలాంటి క్లిష్ట పరిస్థితుల్లో దయచేసి ఇంట్లోనే ఉండండి’ అని కృతి ట్వీట్‌ చేశారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని